Навіны

3 лістапада 2022

На базе Віцебскай філіі РУП "Белтэлекам" сярод актыву моладзі Віцебшчыны адбылося абмеркаванне важных законапраектаў, у тым ліку аб Усебеларускім народным сходзе, аб асновах грамадзянскай супольнасці, а таксама была разгледжана Канцэпцыя нацыянальнай бяспекі.

Удзел у маладзёжным форуме прынялі прадстаўнікі галоўнага ўпраўлення юстыцыі Віцебскага аблвыканкама, Віцебскай абласной калегіі адвакатаў і іншыя зацікаўленыя асобы. У рэжыме відэаканферэнцсувязі да абмеркавання падключыліся прадстаўнікі навучэнскай і рабочай моладзі, тэрытарыяльных аддзелаў прымусовага выканання практычна з усіх раёнаў вобласці.
Аб асноўных палажэннях праекта Закона "Аб Усебеларускім народным сходзе" прысутным расказаў намеснік начальніка галоўнага ўпраўлення юстыцыі - начальнік упраўлення прымусовага выканання Мікіта Разяпаў. Ён адзначыў, што Закон аб УНС - вельмі важны народны праект, таму што мы самі будуем сваю суверэнную дзяржаву. «Падчас грамадскага абмеркавання было выказана нямала прапановаў. Упэўнены, што ўсе яны будуць улічаныя, бо пачуць кожнага і падрыхтаваць дакумент, які адлюстроўваў бы меркаванне простых грамадзян - гэта была галоўная сутнасць усенароднага абмеркавання законапраекта», - сказаў Мікіта Разяпаў.
На асновах грамадзянскай супольнасці падрабязна спынілася намеснік старшыні Віцебскай абласной калегіі адвакатаў Вера Шлома.
Рэферэнт аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Кацярына Лапатнёва пазнаёміла прысутных з асноўнымі новаўвядзеннямі праекта Закона "Аб змяненні законаў па пытаннях дзейнасці палітычных партый і іншых грамадскіх аб'яднанняў".
Акрамя таго, падчас мерапрыемства адбылося ўрачыстае падпісанне пагаднення аб супрацоўніцтве паміж Віцебскай абласной арганізацыяй БРСМ і Саветам маладых адвакатаў Віцебскай абласной калегіі адвакатаў.