Навіны

Акрамя таго, на сувязі з удзельнікамі мерапрыемства ў анлайн-фармаце прысутнічала начальнік галоўнага ўпраўлення абавязковай юрыдычнай экспертызы нарматыўных прававых актаў Міністэрства юстыцыі Валянціна Якімовіч.
Перш, чым пачаць абмеркаванне заяўленых пытанняў, адбылося ўрачыстае ўзнагароджанне пераможцы абласнога конкурсу "Лепшая служба "адно акно", лідэрам якога прызнана служба "адно акно" Чашніцкага райвыканкама. Аляксандр Уладзіміравіч уручыў загадчыку сектара па рабоце са зваротамі грамадзян і юрыдычных асоб Але Алемяшовай заслужаную ўзнагароду, падзякаваў за высокую прафесійную дзейнасць і пажадаў далейшых поспехаў у рабоце.

Кіраўнік спраў аблвыканкама адзначыў, што гэты конкурс праводзіўся ўпершыню і пры маніторынгу службаў былі выяўлены як станоўчыя моманты ў дзейнасці, так і недахопы. Таму сённяшняе мерапрыемства накіравана на далейшае ўдасканаленне іх работы.

Больш дэталёва аб некаторых пытаннях дзейнасці службаў "адно акно" ў Віцебскай вобласці расказаў Сяргей Пятровіч Канапелька. Паводле яго інфармацыі, у Віцебскай вобласці ажыццяўляюць дзейнасць 26 службаў "адно акно". Маніторынг службаў праводзіўся з удзелам таемных наведвальнікаў, у ролі якіх выступалі работнікі галоўнага ўпраўлення юстыцыі і Віцебскага філіяла рэспубліканскага унітарнага прадпрыемства па аказанні паслуг "БелЮрЗабеспячэнне". Пры падвядзенні вынікаў конкурсу, увага звярталася на знешні выгляд работніка службы, выкананне агульных патрабаванняў да памяшканняў, у якіх размяшчаецца служба "адно акно", месцы інфармавання, чаканні грамадзян і прыёму; вывучаны пералікі адміністрацыйных працэдур, сярэдняя нагрузка і шматлікае іншае.
Аб тым, што служба "адно акно", знаходзячыся ў сістэме ўзаемаадносін дзяржавы і насельніцтва, з'яўляецца своеасаблівым фарпостам, па якім фарміруецца імідж дзяржавы, сказала ў сваім выступленні Валянціна Віктараўна Якімовіч. І вельмі важна, каб гэты фарпост меў прыгожую асобу і высокі ўзровень працы з грамадзянамі. У сувязі з гэтым трэба ісці па шляху скарачэння і спрашчэння адміністрацыйных працэдур, цыфравізацыі і кансалідацыі ў гэтай службе.

Актуальную інфармацыю аб складанні наменклатуры спраў, фарміраванні дакументаў у справаводстве давяла загадчык аддзела фарміравання Нацыянальнага архіўнага фонду ўстановы "Дзяржаўны архіў Віцебскай вобласці" Вольга Гаўрыльчык.
Старшы выкладчык кафедры псіхалогіі Віцебскага дзяржаўнага ўніверсітэта імя П.М. Машэрава Жанна Данілава расказала спецыялістам "аднаго акна", а таксама прадстаўнікам органаў прымусовага выканання, спецыяльна запрошаным для абмеркавання гэтага пытання, аб правілах паводзін у стрэсавых сітуацыях, бесканфліктных зносінах з грамадзянамі.
Пасля гэтага ў рамках практычнай часткі семінара ўдзельнікі наведалі службу "адно акно" Віцебскага гарадскога выканаўчага камітэта, дзе наглядна пазнаёміліся з дзейнасцю калег з абласнога цэнтра.