Навіны

28 лістапада 2022

Напярэдадні прафесійнага свята, Дня юрыста, на базе ВДУ імя П.М. Машэрава была праведзена прававая дыктоўка, удзел у якой прынялі не толькі студэнты і выкладчыкі юрыдычнага факультэта, але і намеснік начальніка галоўнага ўпраўлення юстыцыі - начальнік упраўлення прымусовага выканання Мікіта Разяпаў, прадстаўнікі адвакатуры Віцебскай вобласці.

«Мне вельмі прыемна сёння знаходзіцца на адной з асноўных пляцовак па падрыхтоўцы юрыдычных кадраў Віцебскай вобласці - ВДУ ім. П.М. Машэрава і прымаць удзел у гэтым мерапрыемстве. Прымаючы ўдзел у напісанні прававой дыктоўкі, студэнты змогуць ацаніць, наколькі яны гатовы да прававога жыцця і ці гатовы дапамагаць людзям. Я хачу, каб усе ўдзельнікі бліскуча напісалі прававую дыктоўку, паказалі высокі ўзровень юрыдычных ведаў», - падзяліўся сваім меркаваннем Мікіта Разяпаў.
Удзельнікам мерапрыемства трэба было за адведзеную колькасць часу адказаць у пісьмовым выглядзе на некалькі пытанняў. Напрыклад, растлумачыць паняцці юстыцыя, нагляд, амністыя ці памілаванне. Пасля гэтага, каб сябе праверыць, прысутным зачыталі правільныя адказы.
Будзем спадзявацца, што кожны скончыў дыктоўку задаволеным уласнымі адказамі.