Навіны

9 снежня 2022

На базе ААТ "Обальскі керамічны завод" адбылася сустрэча членаў групы па прававой асвеце Віцебскага аблвыканкама на чале з начальнікам галоўнага ўпраўлення юстыцыі Сяргеем Канапелькам з калектывам.

Сяргей Пятровіч расказаў аб мэтах і задачах гэтых візітаў і аб тым, што акцыянернае таварыства завяршае шэраг шматлікіх сустрэч у адыходзячым годзе. Аднак зносіны з калектывамі горадаўтваральных раённых прадпрыемстваў Віцебскага рэгіёну будуць прадоўжаны ў наступным.
Аб асноўных палажэннях Канстытуцыі Рэспублікі Беларусь расказаў намеснік начальніка галоўнага ўпраўлення ідэалагічнай работы і па справах моладзі Віцебскага абласнога выканаўчага камітэта Анатоль Гуцуляк.
Аб рабоце па ўстанаўленні фактаў генацыду беларускага народа, якую праводзіць пракуратура, праінфармаваў начальнік аддзела па наглядзе за выкананнем заканадаўства і законнасцю прававых актаў пракуратуры Віцебскай вобласці Дзмітрый Кудраўцаў.
Намеснік старшыні Віцебскай абласной калегіі адвакатаў Вера Шлома выступіла на тэму "Аб падзеле маёмасці мужа і жонкі".
У рамках мерапрыемства спецыялістамі абласной групы ўсім ахвотным была аказана юрыдычная дапамога па розных пытаннях.
Традыцыйна для гасцей правялі невялікую экскурсію па заводзе, зрабіўшы акцэнт на выпуску керамічных сувенірных вырабаў, якія найбольш папулярныя напярэдадні навагодніх свят. Таксама першы намеснік дырэктара Васіль Серафімавіч расказаў аб развіцці прадпрыемства, аб тым, што Обальскі керамічны завод - адзін са старэйшых вытворцаў будаўнічых матэрыялаў у Беларусі. Цагліна з Обалі ў розныя гады пастаўлялася на самыя маштабныя будоўлі Савецкага Саюза. Карпусы заводаў, фабрычныя цэхі і сцены жылых будынкаў, якія гадамі захоўваюць трываласць канструкцый, — лепшы доказ якасці прадукцыі прадпрыемства.