Навіны

23 снежня 2022

Дарыць навагодні настрой дзецям напярэдадні Новага года для работнікаў тэрытарыяльных органаў прымусовага выканання Віцебшчыны стала добрай традыцыяй.

Новы год для дзяцей - гэта час цудаў, час, калі жаданні ажыццяўляюцца!
Маленькі Платон, якога выхоўвае адна маці, таксама марыў аб запаветных падарунках пад ялінкай, а выканаць яго мару дапамаглі работнікі ВПІ Першамайскага раёна г.Віцебска. У рамках рэспубліканскай акцыі "Нашы дзеці" яны ў сімвалічных уборах Дзядулі Мароза і Снягуркі зазірнулі ў госці да Платона і яго маці Святланы Уладзіміраўны. Хлопчык не разгубіўся і расказаў чараўнікам навагодні верш, падзяліўся сваімі поспехамі ў вучобе і спорце. За гэта добры Дзядуля ўзнагародзіў яго прысмакамі і доўгачаканымі падарункамі з пажаданнямі моцнага здароўя.
У сваю чаргу ў рамках дабрачыннай акцыі "Нашы дзеці" 23 снежня супрацоўнікі аддзела прымусовага выканання Аршанскага раёна і г. Оршы наведалі УА "Аршанскі дзяржаўны сацыяльна-педагагічны цэнтр".

Хлопчыкі і дзяўчынкі з задавальненнем расказвалі вершыкі. Ад калектыву аддзела дзеткі атрымалі салодкія падарункі.