Навіны

4 сакавіка 2023

Сёння аматараў актыўнага ладу жыцця зноў сабрала спартыўна-культурнае свята "Віцебская лыжня". Па традыцыі месцам сустрэчы стала лыжаролерная траса ва ўрочышчы Вараб'ёвы Горы ў Гарадку. Удзел у мерапрыемстве прынялі кіраўнік вобласці Аляксандр Субоцін, яго намеснікі, прадстаўнікі ўпраўленняў, камітэтаў аблвыканкама, усіх раёнаў, сілавых структур і іншых працоўных калектываў прадпрыемстваў, арганізацый рэгіёну, а таксама навучэнцы ўстаноў адукацыі.

Зборную каманду ў складзе намесніка начальніка галоўнага ўпраўлення юстыцыі Віцебскага аблвыканкама - начальніка ўпраўлення прымусовага выканання Мікіты Разяпава, галоўнага спецыяліста аддзела арганізацыі і кантролю прымусовага выканання ўпраўлення прымусовага выканання Аляксандра Піткевіча, вядучага рэферэнта аддзялення фінансавых аперацый упраўлення прымусовага ВПІ Першамайскага раёна г. Віцебска Івана Сюбаева ў камандным забегу на 1000 метраў прадставіла галоўнае ўпраўленне юстыцыі Віцебскага аблвыканкама.
У мэтах падтрымкі сваіх калег падчас спаборніцтваў прыбыў шматлікі калектыў на чале з начальнікам галоўнага ўпраўлення юстыцыі Сяргеем Канапелькам. Ва ўсіх удзельнікаў перад пачаткам спаборніцтваў быў бадзёры настрой, на тварах кожнага - шырокая ўсмешка і палаючыя вочы. У руках - яркія плакаты. Атмасферу падтрымкі дапаўнялі гучныя рачулкі і дэвізы.
Акрамя спартыўных гонак на лыжнай трасе, не менш цікава было і на іншых спартыўна-культурных пляцоўках: дартс, армрэстлінг, гульня ў шашкі і шахматы, запальныя песні і танцы нікога не пакінулі абыякавымі. А каб падсілкавацца і сагрэцца гарачай кавай ці гарбатай, працавалі пункты грамадскага харчавання.
"Віцебская лыжня" - гэта не толькі свята для папулярызацыі здаровага ладу жыцця, але і магчымасць змяніць вобраз дзейнасці, пагутарыць і зарадзіцца пазітыўнымі эмоцыямі.