Навіны

10 лютага 2023

Сёння адбылася сустрэча членаў Віцебскай абласной групы па прававой асвеце з прадстаўнікамі працоўнага калектыву ААТ Станказавод "Чырвоны змагар".

У мерапрыемстве прынялі ўдзел начальнік галоўнага ўпраўлення юстыцыі Віцебскага аблвыканкама Сяргей Канапелька, намеснік старшыні Аршанскага райвыканкама Віктар Калачоў, намеснік генеральнага дырэктара па ідэалагічнай рабоце, кадрах і побыце завода Сяргей Мурза, а таксама прадстаўнікі адвакатуры, натарыята, рэгіянальнага цэнтра прававой інфармацыі.
У ходзе праведзенай сустрэчы былі абмеркаваны актуальныя пытанні. На тэму забеспячэння канстытуцыйнага права грамадзян на атрыманне дакладнай афіцыйнай прававой інфармацыі, а таксама аб рабоце публічных цэнтраў доступу прававой інфармацыі, якія дзейнічаюць на тэрыторыі горада Оршы і Аршанскага раёна, выступіла дырэктар віцебскай філіі Нацыянальнага цэнтра прававой інфармацыі Ларыса Дарогава.
Пра тое, як часта жыхары Віцебскай вобласці заключаюць шлюбныя дамовы, у чым плюсы рэгістрацыі здзелкі ў натарыуса расказала старшыня Віцебскай абласной натарыяльнай палаты Таццяна Маскіна.
Аб ролі прафсаюза ў абароне працоўных правоў работнікаў прысутных праінфармавала галоўны прававы інспектар Віцебскага абласнога аб'яднання прафсаюзаў Святлана Супрунчук.
Падчас абмеркавання жадаючыя задалі пытанні, якія іх цікавілі, на якія атрымалі кампетэнтныя тлумачэнні.

Таксама для членаў калектыву станказавода быў праведзены прыём грамадзян.
Па традыцыі для гасцей арганізавалі невялікую экскурсію па прадпрыемстве. Намеснік генеральнага дырэктара расказаў, што сёння асноўным напрамкам вытворчай дзейнасці аршанскіх станкабудаўнікоў нараўне з серыйна выпускаемай гамай плоскашліфавальных і фрэзерных станкоў з'яўляецца і выпуск спецыяльных шліфавальных станкоў па заказах спажыўцоў для выканання канкрэтных аперацый у дробнасерыйнай, серыйнай і масавай вытворчасці. Дзейнасць прадпрыемства забяспечваюць каля 500 работнікаў.