Сб-Нд: Выхадны
Навіны
Філіял ААТ «Магатэкс» у г. Полацку наведала абласная група па прававой асвеце на чале з начальнікам галоўнага ўпраўлення юстыцыі Віцебскага аблвыканкама Сяргеем Канапелькам.
Гасцей сустрэла дырэктар Таццяна Гур, якая расказала, што прадпрыемства "Магатэкс" спецыялізуецца на вырабе спецыяльнага і форменнага адзення ў карпаратыўным стылі, ахопліваючы поўны вытворчы цыкл - ад распрацоўкі канструкцыі да вырабу гатовага прадукту. У вытворчасці выкарыстоўваецца як уласная, так і давальніцкая сыравіна. На ўсіх участках філіяла ўстаноўлена сучаснае вытворчае абсталяванне, што забяспечвае высокую якасць прадукцыі, выкананне тэрмінаў і гнуткасць у выкананні заказаў. Прадпрыемства актыўна ўкараняе інавацыйныя тэхналогіі і прытрымліваецца стандартызацыі вытворчых працэсаў, што садзейнічае павышэнню канкурэнтаздольнасці і падтрымцы доўгатэрміновых партнёрскіх адносін.
Пасля невялікай вытворчай экскурсіі адбылася сустрэча з працоўным калектывам, на якой выступілі спецыялісты па актуальных прававых пытаннях.
Напрыклад, аб працоўных правах і гарантыях жанчын на вытворчасці расказала галоўны прававы інспектар Віцебскага абласнога аб'яднання прафсаюзаў Святлана Супрунчук.
Аб ролі праваахоўных органаў у забеспячэнні бяспекі і абароне сямейных каштоўнасцяў праінфармаваў намеснік начальніка аддзела аховы грамадскага парадку і прафілактыкі Полацкага раённага аддзела ўнутраных спраў Цімур Лаўрэнцьеў.
З навінамі ў заканадаўстве аб ахове і выкарыстанні зямель работнікаў філіяла пазнаёміла начальнік аддзела прававой, кадравай работы і справаводства ўпраўлення землеўпарадкавання Віцебскага аблвыканкама Наталля Махонь.
На заканчэнне сустрэчы работнікі швейнай вытворчасці звярнуліся па індывідуальныя кансультацыі да спецыялістаў, у ходзе якіх атрымалі кваліфікаваныя рэкамендацыі па пытаннях.
