Навіны

9 красавіка 2025

Сёння ў галоўным упраўленні юстыцыі Віцебскага аблвыканкама прайшоў круглы стол, прысвечаны пытанням папулярызацыі дзейнасці грамадскіх аб'яднанняў і фондаў, якія займаюцца сацыяльнымі і патрыятычнымі праектамі.

У мерапрыемстве, арганізаваным Міністэрствам юстыцыі Рэспублікі Беларусь у рэжыме відэаканферэнцыі, прынялі ўдзел першы намеснік начальніка галоўнага ўпраўлення юстыцыі Марына Быкава, супрацоўнікі аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі, прадстаўнікі грамадскіх аб'яднанняў і фондаў.

Круглы стол1.jpg

Удзельнікі круглага стала абменьваліся досведам, абмяркоўвалі праблемныя пытанні, з якімі сутыкаліся пры рэалізацыі сацыяльных і патрыятычных праектаў, прыводзілі паспяховыя прыклады рэалізацыі сацыяльных праектаў, а таксама механізмы падтрымкі з боку дзяржавы.

Акрамя таго, акцэнт быў зроблены на неабходнасці развіцця партнёрства паміж дзяржаўнымі структурамі і некамерцыйнымі арганізацыямі для больш эфектыўнага вырашэння сацыяльных задач. Прысутныя пагадзіліся з тым, што сумесныя намаганні могуць значна павысіць узровень даверу да грамадскіх інстытутаў і ўмацаваць патрыятычныя пачуцці сярод грамадзян.

Падводзячы вынік круглага стала, падтрымка грамадскіх аб'яднанняў з'яўляецца ключавым элементам у фарміраванні грамадзянскай супольнасці і садзейнічае рэалізацыі дзяржаўных праграм.