Сб-Нд: Выхадны
Навіны
Сёння ва ўпраўленні прымусовага выканання галоўнага ўпраўлення юстыцыі Віцебскага абласнога выканаўчага камітэта прайшло ўрачыстае мерапрыемства ў гонар Дня юрыста. У канферэнц-зале сабраліся прадстаўнікі розных сфер юрыдычнай дзейнасці: супрацоўнікі галоўнага ўпраўлення юстыцыі, органаў прымусовага выканання, натарыята, загса і іншыя.
З цёплай віншавальнай прамовай выступіў начальнік галоўнага ўпраўлення юстыцыі Віцебскага аблвыканкама Сяргей Канапелька, які адзначыў важнасць ролі юрыстаў у грамадстве і іх неацэнны ўклад у абароне правоў і свабод грамадзян; падкрэсліў, што кожны супрацоўнік уносіць ключавы ўклад ва ўмацаванні правапарадку і справядлівасці ў краіне. Сяргей Пятровіч пажадаў усім здароўя, дабрабыту і прафесійных поспехаў.
Пасля віншаванняў начальнік уручыў Ганаровыя граматы і Падзякі супрацоўнікам, якія найбольш вызначыліся. Кожнае імя нагадвала пра дасягненні і адданасць справе, бо менавіта праца і стараннасць гэтых людзей садзейнічаюць развіццю юстыцыі. Авацыі і шчырыя ўсмешкі стваралі атмасферу адзінства і гонару за прафесію.
Да віншаванняў далучыліся і прадстаўнікі органаў унутраных спраў Першамайскага раёна горада Віцебска, якія падзякавалі калегам з раённага аддзела прымусовага выканання за цеснае ўзаемадзеянне, узорнае выкананне абавязкаў, а таксама ўмелыя і прафесійна пісьменныя дзеянні, праяўленыя пры выкананні службовых задач і ў знак удзячнасці ўручылі Падзякі.
