Сб-Нд: Выхадны
Навіны
Адбыўся абласны этап агляду-конкурсу мастацкай самадзейнасці сярод работнікаў галоўнага ўпраўлення юстыцыі Віцебскага аблвыканкама. У гэтым годзе ён прымеркаваны да 80-годдзя вызвалення Беларусі і Года якасці.
Конкурс дае магчымасць прадэманстраваць творчыя здольнасці і таленты ў розных жанрах: вакал, харэаграфія, інструментальная музыка і інш. Згодна з палажэннем конкурсу, паказаць сваё майстэрства могуць не толькі прадстаўнікі юстыцыі, але і члены іх сем'яў.
Па выніках конкурсу найлепшыя танцоры, спевакі, чытальнікі і музыканты трапяць у паўфінал, які арганізуе Міністэрства юстыцыі Рэспублікі Беларусь.
Усе прадстаўленыя нумары адрозніваліся арыгінальнасцю і добрым выкананнем. Ацэньвала конкурс кампетэнтнае журы, у склад якога ўвайшлі: намеснік начальніка галоўнага ўпраўлення юстыцыі - начальнік упраўлення прымусовага выканання Мікіта Разяпаў, загадчык сектара арганізацыйна-кадравай работы Алена Аляксеёнак, галоўны спецыяліст сектара Рэгіна Навасельцава, намеснік начальніка аддзела прымусовага выканання ўпраўлення прымусовага выканання Антон Лашкевіч і галоўны спецыяліст аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў.
Пасля прагляду выступленняў члены журы, гледачы падзякавалі ўсім удзельнікам за праяўленыя творчыя здольнасці і пажадалі творчых перамог на маючых адбыцца этапах творчага спаборніцтва.
