Сб-Нд: Выхадны
Навіны
Фае аддзела загса Віцебскага гарвыканкама ўпрыгожылі дзіцячыя малюнкі. Тут адкрылася выстава з ліку работ, якія дзеці дасылалі на конкурс малюнкаў "Мая сям'я", арганізаваны ў красавіку гэтага года галоўным упраўленнем юстыцыі Віцебскага аблвыканкама.
Не ўпусцілі магчымасці пазнаёміцца з выставай маладыя Назар і Аляксандра
Кожнае дзіця праз малюнкі расказала пра сваіх бацькоў, сям'ю, традыцыі. Усе працы прасякнуты любоўю да сваіх родных, да сям'і. Творчасць юных талентаў могуць ацаніць усе, хто наведае аддзел загса да 25 траўня.
Сям'я - самае дарагое, самае галоўнае, што ёсць у жыцці кожнага чалавека. Гэта блізкія і родныя людзі, тыя, каго мы любім, з каго бяром прыклад, пра каго клапоцімся, каму жадаем дабра і шчасця. У сям'і мы вучымся каханню, адказнасці, клопату і павазе.
Дарэчы, 20 мая 2024 года ў 11.00 у аддзеле загса адбудзецца ўрачыстае ўшаноўванне ўдзельнікаў конкурсу.
