Сб-Нд: Выхадны
Навіны
Напярэдадні Дня Вялікай Перамогі калектыў работнікаў упраўлення прымусовага выканання галоўнага ўпраўлення юстыцыі Віцебскага аблвыканкама на чале з намеснікам начальніка Мікалаем Кабачэўскім, а таксама прадстаўнікі ВПІ Першамайскага раёна г. Віцебска ўсклалі кветкі да брацкай магілы Савецкіх воінаў.
Тут на мемарыяльных плітах высечаныя імёны больш за 7,5 тысячы савецкіх воінаў і партызан, якія загінулі ў баях з фашыстамі за вызваленне Прыдзвінскага краю. Сярод пахаваных - воіны 17, 19, 91 Гвардзейскіх дывізій, 5 Гвардзейскага стралковага корпуса; 158-й стралковай дывізіі 84-га стралковага корпуса 39-й арміі.
«Мы хочам аддаць даніну памяці і ўспомніць, якім коштам і подзвігамі нам далася Перамога, якая дазваляе нам сёння тварыць і дасягаць тых поспехаў, якімі па праве можна ганарыцца, - сказаў Мікалай Мікалаевіч. - Гісторыю сваёй краіны абавязаны ведаць кожны. Без мінулага не будзе будучыні. Дзень Перамогі — гэта тая падзея, якая дала нам мірнае жыццё, захавала нашу незалежнасць».
