Навіны

Міністэрствам юстыцыі ў рамках правядзення прававой асветы насельніцтва па пытаннях прававой абароны дзяцей аб'яўляецца конкурс творчых работ "Права на дзяцінства".

Конкурс праводзіцца ў мэтах стварэння ўмоў для творчай самарэалізацыі дзяцей, фарміравання павагі да закону і права, выхавання пачуцця патрыятызму ў маладога пакалення, развіцця пазнавальнай цікавасці да тэмы абароны правоў дзіцяці.

Конкурс з'яўляецца адкрытым і праводзіцца ў дзвюх намінацыях: "Малюнак" і "Анімацыя".

У намінацыі «Малюнак» удзельнічаюць работы, выкананыя без дапамогі бацькоў і педагогаў алоўкамі, фламастэрамі, гуашшу, акварэллю на паперы не менш фармату А4 і не больш фармату А3.

У правым ніжнім куце працы павінны быць указаны: назва працы; прозвішча, уласнае імя, імя па бацьку (калі такое маецца) аўтара; узрост; найменне навучальнай установы. Кароткі аповяд аб малюнку (па жаданні) прыкладваецца на асобным лісце.

У намінацыі "Анімацыя" удзельнічаюць працы, створаныя пры дапамозе праграм для вытворчасці мультфільмаў і анімацыйных ролікаў на кампутары, планшэце ці смартфоне.

Хранаметраж маляванай гісторыі ці апавядання ў карцінках не павінен перавышаць 2 хвілін, але пры гэтым павінен раскрываць тэму конкурсу. Працы павінны быць прадстаўлены ў фармаце файлаў мультымедыя, якія падтрымліваюцца прайгравальнікам Windows Media.

Да ўдзелу ў конкурсе дапускаюцца работы, падрыхтаваныя дзецьмі не старэйшыя за 18 гадоў, па наступных тэмах:

· правы дзіцяці;

· сацыяльная абарона сям'і і дзяцей дзяржавай;

· абарона правоў дзяцей-сірот і дзяцей, якія засталіся без апекі бацькоў;

· правы дзяцей-інвалідаў;

· абавязкі дзіцяці;

· "80 гадоў пад мірным небам" (работы павінны адлюстроўваць тэму 80-годдзя вызвалення Беларусі ад нямецка-фашысцкіх захопнікаў).

На першым (рэгіянальным) этапе да 13 мая 2024 года галоўнымі ўпраўленнямі юстыцыі аблвыканкамаў і Мінгарвыканкама прымаюцца творчыя работы па заяўленай тэматыцы.

Парадак правядзення рэгіянальнага этапа конкурсу, заахвочванні яго ўдзельнікаў і пераможцаў вызначаюцца адпаведным галоўным упраўленнем юстыцыі.

Конкурснымі камісіямі галоўных упраўленняў юстыцыі адбіраюцца лепшыя работы для ўдзелу ў другім (рэспубліканскім) этапе конкурсу і да 20 мая 2024 года накіроўваюцца ў Міністэрства юстыцыі разам з заяўкамі на ўдзел у конкурсе.

!!!Звяртаем увагу, што ў намінацыі "Малюнак" прадстаўляюцца індывідуальныя заяўкі на ўдзел у конкурсе ("адна творчая праца - адзін аўтар"), у намінацыі "Анімацыя" дапускаюцца калектыўныя заяўкі на ўдзел у конкурсе (пры гэтым склад аўтарскага калектыву не павінен перавышаць 3 чалавек).

Інфармацыя аб выніках конкурсу публікуецца на афіцыйным сайце Міністэрства юстыцыі ў глабальнай камп'ютарнай сетцы Інтэрнэт, у сацыяльных сетках і сродках масавай інфармацыі.

Пераможцы, якія занялі I, II, III месцы ў кожнай узроставай катэгорыі па намінацыях, а таксама пераможцы, якія занялі I месцы па выніках Інтэрнэт-галасавання, узнагароджваюцца дыпломамі і каштоўнымі прызамі.

Работы, якія паступілі на конкурс, могуць быць выкарыстаны ў далейшым у наглядных і прэзентацыйных матэрыялах (календары, буклеты, фільмы, відэаролікі, прэзентацыі і іншае), на афіцыйным сайце Міністэрства юстыцыі ў глабальнай камп'ютарнай сетцы Інтэрнэт, у сацыяльных сетках і сродках масавай інфармацыі.