Сб-Нд: Выхадны
Навіны
Сёння ў нашай краіне праходзіць рэспубліканскі суботнік. Да яго далучыліся і прадстаўнікі галоўнага ўпраўлення юстыцыі Віцебскага аблвыканкама, у тым ліку начальнік Сяргей Канапелька і яго намеснік Мікіта Разяпаў.
Яны былі занятыя на галоўным аб'екце горада - дзіцячай дашкольнай установе, сумешчанай з блокам пачатковых класаў у мікрараёне Білева-3 у Віцебску.
Працоўны дэсант з ліку работнікаў дзяржслужбы ўстанаўлівалі малыя архітэктурныя формы, ушчыльнялі грунт, высаджвалі туі.
Дарэчы, суботнік праводзіцца на добраахвотнай аснове. У гэты дзень беларусы будуць добраўпарадкоўваць і прыводзіць у належны стан аб'екты і тэрыторыі населеных пунктаў, гісторыка-культурныя каштоўнасці, мемарыяльныя комплексы, месцы баявой і воінскай славы, пахаванні воінаў і партызан часоў Вялікай Айчыннай вайны. Таксама суботнік праводзіцца на працоўных месцах.
***
Да рэспубліканскага суботніка далучыліся і прадстаўнікі органаў прымусовага выканання Віцебшчыны.
Па прыкладзе ўпраўлення прымусовага выканання да навядзення парадку на месцах і прылеглай да адміністрацыйных будынкаў тэрыторыі прыступілі работнікі тэрытарыяльных ВПІ.
Добры настрой і свежае паветра, безумоўна, дапамагалі ў працы. А вынік не прымусіў сябе чакаць: бездакорны парадак у кабінетах і вакол адмінбудынкаў.
- Рэспубліканскі суботнік - гэта выдатная магчымасць кожнага грамадзяніна ўнесці свой пасільны ўклад у навядзенне парадку на той ці іншай тэрыторыі, - лічаць судовыя выканаўцы Віцебскай вобласці.
