На гэты раз калектыў на чале з начальнікам Сяргеем Канапелькам, а таксама актывісты пярвічкі БРСМ прынялі ўдзел у рэспубліканскай акцыі "Аднавім лясы разам!", якая на гэты раз прысвечана Году якасці. Яны саджалі лес на тэрыторыі Асіноўскага лясніцтва. На плошчы амаль 1 гектар высаджана каля дзвюх тысяч сеянцаў хвоі.

Як адзначаюць у лясніцтве, да лесааднаўлення варта прыступаць, як толькі надвор'е дазваляе саджаць сеянцы, - з ранняй вясны. Як і аграрыям, лесаводам у гэты час важна ўхапіць максімум вільгаці ў глебе. Тады і сеянцы лепш чапляюцца каранямі за зямлю, і людзям працаваць лягчэй.

Прадстаўнікі абласной юстыцыі выказалі спадзяванне, што маленькія дрэвы прыжывуцца і праз некалькі гадоў тут будзе шумець прыгожы хвойны лес.