Сб-Нд: Выхадны
Навіны
Сёння група па прававой асвеце Віцебскага аблвыканкама на чале з начальнікам галоўнага ўпраўлення юстыцыі Сяргеем Канапелькам пабывала на «Савушкін-Орша».
Сустракаючы гасцей, дырэктар кампаніі Андрэй Мшар расказаў, што завод з'яўляецца філіялам найбуйнейшай у Беларусі малочнай кампаніі "Савушкін прадукт". Прадпрыемства абсталяванае па апошнім слове тэхнікі. Тут выпускаюць свежыя папулярныя ў насельніцтва сыры пад брэндам "Sveza". Правёўшы невялікую азнаямленчую экскурсію па прадпрыемстве, сустрэча працягнулася ў канферэнц-зале.
Прадставіўшы членаў групы, Сяргей Пятровіч расказаў аб мэтах візіту. Ён звярнуў увагу, што такія сустрэчы праводзяцца ў рамках плана мерапрыемстваў па прававой асвеце і садзейнічаюць павышэнню даступнасці прававой дапамогі для насельніцтва.
На тэму выбарчай кампаніі 2024 года выступіў намеснік начальніка галоўнага ўпраўлення - начальнік аддзела па сувязях з грамадскасцю і ўзаемадзеянні са сродкамі масавай інфармацыі галоўнага ўпраўлення ідэалагічнай работы і па справах моладзі аблвыканкама Анатоль Гуцуляк.
Пра новаўвядзенні ў Працоўным кодэксе Рэспублікі Беларусь - 2024 распавяла галоўны прававы інспектар Віцебскага абласнога аб'яднання прафсаюзаў Святлана Супрунчук.
Разабрацца ў нюансах абноўленага зямельнага заканадаўства калектыву дапамагла начальнік аддзела прававой, кадравай работы і справаводства ўпраўлення землеўпарадкавання аблвыканкама Наталля Махонь.
Традыцыйна ў ходзе мерапрыемства ўсе жадаючыя работнікі "Савушкін-Орша" змаглі атрымаць кваліфікаваную кансультацыю вопытных спецыялістаў розных галін права, у тым ліку натарыусаў і адвакатаў, судовых выканаўцаў.
