Сб-Нд: Выхадны
Навіны
12 лютага адбылося пашыранае пасяджэнне калегіі галоўнага ўпраўлення юстыцыі Віцебскага аблвыканкама, на якім былі абмеркаваны вынікі работы архіўных устаноў у 2023 годзе і пастаўлены задачы на 2024 год.
У пасяджэнні бралі ўдзел старшыня Віцебскай абласной арганізацыі Беларускага прафесійнага саюза работнікаў дзяржаўных і іншых устаноў Алена Няфёдава, дырэктары дзяржаўных і тэрытарыяльных архіваў.
З дакладам выступіла намеснік начальніка аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў Аксана Пашкевіч.
У дакладзе адзначана, што аднымі з асноўных напрамкаў дзейнасці работы дзяржаўных архіваў з'яўляліся ўмацаванне матэрыяльна-тэхнічнай базы, актывізацыя работы па аблічбоўванні дакументаў, узмацненне інфармацыйна-асветніцкай дзейнасці.
Тэрытарыяльныя архівы забяспечвалі выкананне запытаў сацыяльна-прававога характару, у тым ліку і пры ажыццяўленні адміністрацыйных працэдур, у тэрміны, устаноўленыя заканадаўствам. У параўнанні з 2022 годам рост колькасці запытаў складае +67%.
Планавыя паказчыкі на 2023 год выкананы. Асваенне бюджэтных сродкаў па кансалідаваным бюджэце Віцебскай вобласці, у частцы дзяржаўных і тэрытарыяльных архіваў, складае 97,77 працэнта. Працэнт асваення выдзеленых грашовых сродкаў дзяржаўнымі архівамі - 99,14.
Пасля асноўнага даклада перад удзельнікамі пашыранага пасяджэння калегіі выступілі са справаздачамі аб рабоце дырэктар установы «Занальны дзяржаўны архіў у г. Оршы» Алеся Бярговіна, дырэктар установы «Дзяржаўны архіў Віцебскай вобласці» Таццяна Свістунова, дырэктар Наваполацкага гарадскога архіва Вольга Акіменка, дырэктар Шаркоўшчына.
Па выніках работы за мінулы год шэраг супрацоўнікаў Дзяржаўнага архіва Віцебскай вобласці былі ўзнагароджаны Ганаровымі граматамі і падзякамі галоўнага ўпраўлення Віцебскага аблвыканкам, а таксама Віцебскай абласной арганізацыі Беларускага прафесійнага саюза работнікаў дзяржаўных і іншых устаноў.
