Навіны

Добрая традыцыя наведваць гэтую ўстанову адукацыі 1 верасня і напярэдадні Новага года ў Міністэрства і галоўнага ўпраўлення склалася даўно, з 2005 года. Дзякуючы такому шэфству, хлопцы з глыбінкі пабывалі з экскурсіямі ў розных гарадах Беларусі.

Звяртаючыся да прысутных падчас лінейкі, кіраўнік ведамства падкрэсліў, што Дзень ведаў - гэта свята, якое аб'ядноўвае розныя пакаленні, і перад дзяржавай, бацькамі, педагогамі стаіць адзіная задача - выхаваць дастойных людзей. Таксама Сяргей Мікалаевіч выказаў словы на дарогу першаклашкам і ўручылі маленькім шкалярам падарункі ад Прэзідэнта — навучальны дапаможнік «Беларусь — наша Радзіма».
«За вамі будучыня нашай краіны, - адзначыў Міністр. — Таму слухайце сваіх настаўнікаў і бацькоў, — убірайце веды, як губка. І надалей мы зможам вамі ганарыцца».

Як і заўсёды госці прыехалі не з пустымі рукамі. Сяргей Мікалаевіч уручыў дырэктару школы Таццяне Ляцецкай спартыўны інвентар для падтрымання дзяцей здаровага ладу жыцця, аргтэхніку. А школьная бібліятэка папоўнілася серыяй зборнікаў "Без тэрміну даўнасці", якія расказваюць аб злачынствах нацыстаў і іх памагатых на акупаванай тэрыторыі ў гады Вялікай Айчыннай вайны. Да віншаванняў далучыўся і Сяргей Канапелька, які таксама ўручыў школе памятныя падарункі і павіншаваў вучняў і калектыў установы з першым днём навучальнага года. Сертыфікат на дзве тысячы рублёў ад органаў прымусовага выканання Рэспублікі Беларусь дырэктару ўручыў Сяргей Нікель.
Пасля правядзення ўрачыстай лінейкі госці пабывалі ў кабінетах ДУА, у якіх да новага навучальнага года быў праведзены рамонт і нават адчулі сябе ў ролі вучняў, пасядзеўшы за партай. Акрамя таго, падчас правядзення ўрока ведаў, навучэнцам была прадэманстравана прэзентацыя "У гістарычнай памяці - Сіла і Адзінства нашага народа!". Каменціруючы слайды, Сяргей Хаменка адзначыў, што гісторыя - гэта настаўнік жыцця. І для таго, каб гісторыя магла якасна выконваць свае педагагічныя функцыі, неабходна аб'яднаць намаганні ўсіх членаў беларускага грамадства, кожнага беларуса, у тым ліку і навучэнцаў школы. "Не забывайце, што, вывучаючы гісторыю ў школе, віншуючы ветэранаў, ускладаючы кветкі да гістарычных помнікаў і манументаў, захоўваючы сямейны архіў дакументаў і фатаграфій - вы тым самым уносіце свой асабісты ўклад у агульнадзяржаўную гістарычную палітыку", - сказаў Міністр юстыцыі Сяргей Хаменка.
У сваю чаргу прэзентацыю аб удзеле школьнікаў ва ўвекавечанні памяці герояў Вялікай Айчыннай вайны прадставілі дзевяцікласнікі.

Пасля гэтага ўвесь калектыў школы прыняў удзел у праглядзе тэлетрансляцыі з выступленнем кіраўніка дзяржавы Аляксандра Рыгоравіча Лукашэнкі.

Акрамя таго, у час візіту ў Віцебскую вобласць, Міністр юстыцыі наведаў шэраг ведамасных аб'ектаў і вывучыў іх дзейнасць.

Шматлікія ўрачыстыя лінейкі, прысвечаныя пачатку навучальнага года, прайшлі ва ўстановах адукацыі абласнога цэнтра. На адной з іх пабывала намеснік начальніка галоўнага ўпраўлення юстыцыі Віцебскага аблвыканкама - начальнік аддзела натарыята, загсаў і кантролю за дзейнасцю ліцэнзіятаў па аказанні юрыдычных паслуг Таццяна Харушэўская.
З Днём ведаў яна павіншавала калектыў і навучэнцаў сярэдняй школы №34.

У сваёй прывітальнай прамове Таццяна Мікалаеўна пажадала вучням поспехаў у засваенні новых ведаў, каб кожны з іх мог і ўмеў прымяняць свае лепшыя якасці, правільныя, адказныя рашэнні, цікавага, насычанага і запамінальнага навучальнага года.

Улічваючы, што 2022 год — гэта Год гістарычнай памяці Таццяна Харушэўская акцэнтавала ўвагу на тым, што вельмі важна ведаць сваю гісторыю, разумець падзеі, якія адбываюцца ў дзяржаве і грамадстве, і быць адказнымі за свой лёс і лёс блізкіх.