Навіны

28 кастрычніка 2022

Галоўныя спецыялісты аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Віцебскага аблвыканкама Ганна Свістунова і Вольга Ткачова падчас двухдзённага рабочага візіту ў Міёрскі і Браслаўскі раёны наведалі раённыя выканаўчыя камітэты і Саветы дэпутатаў.

З работнікамі адбыўся метадычны дыялог па пытаннях захавання ўстаноўленага парадку падрыхтоўкі, прыняцця (выдання), уліку, накіравання на абавязковую юрыдычную экспертызу нарматыўных прававых актаў (НПА), правамернасці прымянення НПА, якія не прайшлі абавязковую юрыдычную экспертызу і іншыя актуальныя пытанні, якія датычацца нарматворчай дзейнасці.
Акрамя таго, у рамках рабочага візіту Ганна Свістунова наведала раённыя службы "адно акно", дзе вывучыла ўмовы размяшчэння, у тым ліку і пасля праведзенага нядаўна рамонту ў Браславе. Таксама з работнікамі службы "адно акно" былі абмеркаваны праблемы, выяўленыя ў ходзе папярэдніх маніторынгаў і тыя, якія перыядычна ўзнікаюць у працэсе работы гэтых службаў; разгледжаны спосабы іх вырашэння.