Навіны

22 лістапада 2022

Залаты юбілей (50 гадоў) жонкі Дземідовіч Уладзімір Васільевіч і Марыя Пятроўна адзначылі ва ўрачыстай абстаноўцы ў сценах аддзела загса Полацкага райвыканкама ў прысутнасці родных і блізкіх. Аб такіх парах кажуць, што іх звязаў сам лёс.

Марыя Пятроўна родам з Міёрскага раёна. Скончыўшы пасля школы Гомельскую гандлёвую вучэльню, дзяўчына прыехала ў Полацак, каб жыць і працаваць. Уладзімір Васільевіч — мінчанін, пасля заканчэння сталічнага ўніверсітэта быў прызваны на службу ў армію.
Аднойчы, у 1970 годзе, Уладзімір, на той момант лейтэнант інжынерных войскаў, прыбыў з таварышам у камандзіроўку па службе ў г. Полацак. Воляю выпадку маладыя людзі апынуліся ў агульнай кампаніі знаёмых. Так пачаліся зносіны. Перыядычна Уладзімір пачаў прыязджаць з Мінска ў Полацк, каб пабачыцца з каханай.

Праз два гады рамантычных адносін маладыя людзі вырашылі ажаніцца, толькі трэба было вырашаць, дзе працягнецца іх сумеснае жыццё. Уладзімір прапанаваў з'ехаць у г. Сочы да яго далёкай сваячкі і пачаць сямейнае жыццё ў мора. Марыя, якая ні разу не бачыла мора і не ведала нічога пра Сочы, смела згадзілася на гэты крок. І вось 11 лістапада 1972 г. у 10 раніцы ў Полацкім загсе маладыя людзі стварылі сям'ю і ўжо праз тыдзень з'ехалі жыць у выдатны край магнолій на беразе Чорнага мора, у горад Сочы, дзе шчасліва пражылі 40 гадоў і выгадавалі дваіх дзяцей - сына Зміцера і дачку Надзею.
У 2012 годзе Марыя Пятроўна і Уладзімір Васільевіч вырашылі вярнуцца ў родны край, у Беларусь і вось ужо 10 гадоў пражываюць у Мінску. Аднак памятна засведчыць юбілей свайго доўгага і шчаслівага сямейнага жыцця жонкі захацелі менавіта ў горадзе, які іх некалі злучыў - у Полацку.

Віншуем юбіляраў і жадаем, каб іх душэўная блізкасць была прыкладам для пераймання.