Навіны

5 снежня 2022

Натарыус — юрыдычная спецыяльнасць, якая патрабуе дасканалага ведання ўсіх тонкасцяў заканадаўства. Пра тое, як ім стаць і што трэба ведаць, студэнтам юрыдычнага факультэта ВДУ імя П.М. Машэрава расказала натарыус Віцебскай натарыяльнай акругі Наталля Царэнка.

Спектр натарыяльных паслуг даволі шырокі - ад афармлення спадчынных правоў да сведчання сапраўднасці подпісы на дакументах. З боку здаецца, што ў гэтай прафесіі няма нічога складанага, але гэтае ўяўленне ў корані не дакладнае. За спіной у кожнага натарыуса гады навучання, практыкі і сталага падвышэння кваліфікацыі.

Правы і абавязкі натарыусаў, рэгулююцца Законам Рэспублікі Беларусь "Аб натарыяце і натарыяльнай дзейнасці" і іншымі нарматыўнымі прававымі актамі.

Праца натарыуса перш за ўсё накіравана на абарону правоў і законных інтарэсаў грамадзян. Натарыус высвятляе волю грамадзяніна, тлумачыць прававыя наступствы здзяйснянага натарыяльнага дзеяння, абараняючы людзей ад ашуканцаў.

Гэта вельмі адказная прафесія, бо любая памылка ў дакументах можа прывесці да сур'ёзнай шкоды. Таму кожны натарыус абавязаны страхаваць сваю прафесійную дзейнасць.

«Уступаючы на пасаду натарыуса, кожны з нас прыносіць прысягу «сумленна, добрасумленна і непрадузята выконваць абавязкі натарыуса, забяспечваць абарону правоў і законных інтарэсаў грамадзян і юрыдычных асоб, дзяржаўныя інтарэсы, кіруючыся Канстытуцыяй Рэспублікі Беларусь і іншымі актамі заканадаўства Рэспублікі Беларусь». Так важна не забывацца на гэтыя словы ў сваёй штодзённай працы і заўсёды памятаць, што мы працуем для чалавека. Калі студэнт звязвае сваё жыццё з прафесіяй натарыуса, ён павінен быць гатовы ўвесь час вучыцца і, вядома, умець працаваць з людзьмі» - падкрэсліла ў сваім выступе Наталля Сяргееўна.

Сайт Беларускай натарыяльнай палаты