Навіны

7 снежня 2022

Віцебскім аблвыканкамам 10.10.2022 г. прынята рашэнне № 605 "Аб правядзенні штогадовага абласнога конкурсу", якім зацверджана Інструкцыя аб парадку правядзення штогадовага абласнога конкурсу сярод маладых вучоных.

Гэты конкурс праводзіцца ў мэтах стымулявання навукова-даследчай дзейнасці маладых вучоных, якія займаюцца перспектыўнымі навуковымі даследаваннямі ў арганізацыях Віцебскай вобласці.

Да ўдзелу ў конкурсе дапускаюцца дактары навук ва ўзросце да 45 гадоў, кандыдаты навук - да 35 гадоў, вучоныя без ступені - да 30 гадоў (на 1 кастрычніка года, у якім ажыццяўляецца вылучэнне кандыдатур), якія маюць не менш як тры навуковыя публікацыі ў часопісах і зборніках навуковых прац па тэме конкурснай працы за апошнія 3 гады, уключаючы год правядзення конкурсу.

Пераможцы конкурсу ўзнагароджваюцца дыпломамі і грашовымі прэміямі, а таксама ім прысвойваецца званне "Лаўрэат прэміі Віцебскага абласнога выканаўчага камітэта".

Рашэнне ўступае ў сілу з 1 лютага 2023 года.

Аддзел прававога забеспячэння дзейнасці аблвыканкама

галоўнага ўпраўлення юстыцыі Віцебскага абласнога выканаўчага камітэта