Навіны

16 снежня 2022

Паважаныя калегі!

Віншую вас са знамянальнай падзеяй - 105-годдзем з дня ўтварэння органаў, якія рэгіструюць акты грамадзянскага стану, Рэспублікі Беларусь!

18 снежня 1917 года Усерасійскі Цэнтральны Выканаўчы Камітэт і Савет Народных Камісараў РСФСР выдаў дэкрэт "Аб грамадзянскім шлюбе, аб дзецях і аб вядзенні кніг актаў стану", 19 снежня 1917 года - дэкрэт "Аб скасаванні шлюбу". З таго часу з органамі, якія рэгіструюць акты грамадзянскага стану, цесна звязаны важнейшыя этапы жыцця кожнага чалавека і кожнай сям'і нашай дзяржавы.

Штодзённая дзейнасць па рэгістрацыі актаў грамадзянскага стану неабходна для развіцця эканамічнай і сацыяльнай сферы, вядзення статыстычных і дэмаграфічных улікаў, яна садзейнічае абароне правоў і законных інтарэсаў грамадзян, а таксама захаванню нацыянальных традыцый і культуры нашага народа.

На працягу 105 гадоў вы з'яўляецеся летапісцамі часу, вашымі рукамі пішацца непаўторная карціна эпохі, адлюстраваная ў чалавечых лёсах.

Дзякуючы добрасумленнай працы кожнага з вас, рэгістрацыя асноўных падзей у жыцці чалавека, такіх як нараджэнне, заключэнне шлюбу, юбілей шлюбнага жыцця, становіцца знамянальным, радасным момантам, які надоўга застаецца ў памяці. Ваш прафесіяналізм дае магчымасць эфектыўна вырашаць задачы, пастаўленыя перад дзяржаўнымі органамі, садзейнічае ўмацаванню і развіццю нашай беларускай дзяржавы.

Прыміце шчырыя віншаванні з юбілейнай датай і пажаданне моцнага здароўя, дабрабыту і яркіх эмоцый, невычэрпнай энергіі і поспехаў у прафесійнай дзейнасці на карысць і росквіт нашай Радзімы!

Міністр юстыцыі С.Н.Хаменка

Сайт Міністэрства юстыцыі Рэспублікі Беларусь