Навіны

19 кастрычніка 2026

16 кастрычніка 2026 г. Міністр юстыцыі Яўген Каваленка ў час рабочай паездкі ў Полацкі раён Віцебскай вобласці прыняў удзел у пасяджэнні раённага выканаўчага камітэта, а таксама правёў асабісты прыём грамадзян.

На пасяджэнні разгледжана пытанне рэалізацыі Дзяржаўнай праграмы "Культурная прастора" на 2026-2030 гады на тэрыторыі Полацкага раёна.

У сваім выступленні кіраўнік ведамства падкрэсліў асаблівую значнасць г. Полацка як калыскі беларускай дзяржаўнасці, духоўнасці і культуры. Ён адзначыў, што клопат аб культурнай спадчыне з'яўляецца адным з прыярытэтаў унутранай палітыкі дзяржавы, а рэалізацыя праграмы накіравана на захаванне ідэнтычнасці і дасягненне Мэт устойлівага развіцця.

Міністэрства юстыцыі з'яўляецца адным з заказчыкаў падпраграмы "Культурная спадчына". У рамках гэтай работы праводзяцца мерапрыемствы па капітальным рамонце і мадэрнізацыі будынкаў архіўных устаноў.

Асаблівая ўвага ў выступленні была ўдзелена пытанням прававой асветы. Кіраўнік ведамства нагадаў, што на базе бібліятэк створаны публічныя цэнтры прававой інфармацыі, дзе натарыусы і адвакаты актыўна ладзяць сустрэчы з насельніцтвам і бясплатныя кансультацыі.

«Павышэнне прававой культуры і прававая асвета - гэта важны складнік праводзімай працы, які павінен актыўна рэалізоўвацца, у тым ліку на базе ўстаноў культуры. Наша задача - даваць чалавеку яснае ўяўленне аб правамерных паводзінах, аб тым, як будаваць адносіны з дзяржавай, у сям'і і грамадстве, абапіраючыся на нашы гістарычныя традыцыі і сямейныя каштоўнасці. Установы культуры - гэта адзін з інструментаў пабудовы сучаснай дзяржавы», - рэзюмаваў Міністр.

Пасля паседжання Яўген Каваленка правёў асабісты прыём грамадзян у Полацкім раённым выканаўчым камітэце.

У рамках рабочага візіту кіраўнік ведамства таксама азнаёміўся з дзейнасцю курыруемых падраздзяленняў і арганізацый, размешчаных у г. Полацку. Наведваючы аб'екты, Міністр цікавіўся створанымі ўмовамі працы, узроўнем матэрыяльна-тэхнічнага забеспячэння службовай дзейнасці, даступнасцю паслуг для грамадзян.