Навіны

24–25 верасня 2026 года на базе галоўнага ўпраўлення юстыцыі Гродзенскага аблвыканкама адбыўся семінар-нарада з работнікамі кадравых службаў, а таксама службовымі асобамі, адказнымі за забеспячэнне ідэалагічнай работы, органаў і арганізацый сістэмы Міністэрства юстыцыі Рэспублікі Беларусь. У рэспубліканскім мерапрыемстве прынялі ўдзел супрацоўнікі галоўнага ўпраўлення юстыцыі Віцебскага аблвыканкама. 



Праграма першага дня была насычанай і ўключала як практычную працу, так і азнаямленне з гісторыка-культурнай спадчынай. 

Удзельнікі заслухалі лекцыю па тэме "Уз'яднанне Заходняй Беларусі і БССР", азнаёміліся з тэматычнай экспазіцыяй "17 верасня - усенароднае свята", а таксама абмеркавалі пытанні ўмацавання суверэнітэту ў рамках лекцыі "Моцная грамадзянская супольнасць як адзін з ключавых фактараў незалежнасці дзяржавы". 

    

Асноўная практычная частка разгарнулася ў падгрупах.

У першай падгрупе падрабязна абмяркоўваліся судовая практыка па працоўных спрэчках і прымяненне заканадаўства аб працы, уключаючы скасаванне працоўных дагавораў па ініцыятыве наймальніка, скарачэнне штата і змяненне істотных умоў працы. Таксама былі падведзены вынікі работы кадравых службаў за першае паўгоддзе 2026 года, разгледжана рэалізацыя Галіновай праграмы па ўмацаванні кадравага патэнцыялу сферы юстыцыі на 2026-2030 гады і ход выканання патрабаванняў Дэкрэта Прэзідэнта Рэспублікі Беларусь нумар 5 "Аб узмацненні патрабаванняў да кіруючых кадраў і работнікаў арганізацый". Спецыялісты абмяняліся вопытам па афармленні кадравых дакументаў, здачы статыстычнай справаздачнасці і абмеркавалі актуальныя пытанні арганізацыі кадравай работы.
У другой падгрупе акцэнт быў зроблены на прафілактычную работу ў працоўных калектывах, рэалізацыю графікаў прафілактычных мерапрыемстваў і выкананне патрабаванняў загада Міністра юстыцыі № 86 "Аб парадку прадстаўлення ў Міністэрства юстыцыі інфармацыі аб правапарушэннях, здарэннях, падзеях". Асобную ўвагу надалі вопыту правядзення сацыяльна-культурных мерапрыемстваў і справаздачам удзельнікаў аб праведзенай рабоце.
Завяршыўся першы дзень экскурсіяй «Прыгожыя і моцныя. Паўсядзённае жыццё гродзенкі ў другой палове XIX - пачатку XX стагоддзя», прымеркаванай да Года беларускай жанчыны. 

Другі дзень семінара пачаўся з лекцыі “Прафілактыка карупцыі. Праца камісій па супрацьдзеянні карупцыі», пасля чаго ўдзельнікі наведалі папраўчую ўстанову «Турма № 1 УДВП МУС па Гарадзенскай вобласці». 

Завяршыўся двухдзённы семінар-нарада ўрачыстай цырымоніяй ускладання кветак да Брацкай магілы савецкіх воінаў і партызан у Гродне - данінай глыбокай павагі і памяці да подзвігу пакалення, якое абараніла мір і свабоду. 

    

Праведзенае мерапрыемства стала эфектыўнай пляцоўкай для абмену практычным вопытам, выпрацоўкі адзіных падыходаў да вырашэння пастаўленых задач і вызначэння ключавых арыенціраў для далейшага ўдасканалення кадравай і ідэалагічнай работы ў органах юстыцыі.