Навіны

У рамках правядзення прававой асветы насельніцтва па пытаннях прававой абароны дзяцей, з мэтай стварэння ўмоў для творчай самарэалізацыі дзяцей, фарміравання павагі да закона і права, выхавання пачуцця патрыятызму ў падрастаючага пакалення, развіцця пазнавальнай цікавасці да тэмы абароны правоў дзіцяці Міністэрствам юстыцыі Рэспублікі Беларусь аб'яўлены штогадовы конкурс творчых работ "Права на дзяцінства".

Конкурс праводзіцца ў дзвюх намінацыях: «Малюнак» і «Анімацыя».

У намінацыі «Малюнак» прымаюцца работы, выкананыя алоўкамі, фламастэрамі, гуашшу, акварэллю на паперы не менш за фармат А4 і не больш за фармат А3.

У намінацыі "Анімацыя" прымаюцца анімацыйныя ролікі, створаныя з выкарыстаннем праграм для вытворчасці анімацыйных ролікаў на кампутары, планшэце ці смартфоне.

Да ўдзелу ў конкурсе дапускаюцца работы, падрыхтаваныя дзецьмі не старэйшыя за 18 гадоў, па наступных тэмах:

• правы дзіцяці;
• сацыяльная абарона сям'і і дзяцей дзяржавай;
• абарона правоў дзяцей-сірот і дзяцей, якія засталіся без апекі бацькоў;
• правы дзяцей-інвалідаў;
• абавязкі дзіцяці.

Конкурс праводзіцца ў 2 этапы: рэгіянальны і рэспубліканскі. 

У галоўным упраўленні юстыцыі Віцебскага аблвыканкама арганізаваны рэгіянальны этап конкурсу і створана конкурсная камісія, якая правядзе ацэнку работ, якія паступілі, і накіруе іх у Міністэрства юстыцыі Рэспублікі Беларусь

Конкурсныя работы прымаюцца галоўным упраўленнем юстыцыі Віцебскага аблвыканкама да 18 верасня 2026 г.

Адрас для накіравання малюнкаў: 210015, г. Віцебск, вул. Праўды, 18, кабінет 18.

Адрас электроннай пошты для накіравання работ у намінацыі «Анімацыя»: glavjust3@vitglavjust.by.

Па ўсіх пытаннях, звязаных з правядзеннем конкурсу, звяртацца да Міхайлавай Інзе Ігараўне па тэлефоне 8 (0212) 60 33 09.

Звяртаем увагу, што творчыя работы, якія паступілі на конкурс, могуць быць выкарыстаны ў далейшым у наглядных і прэзентацыйных матэрыялах (календары, буклеты, фільмы, відэаролікі, прэзентацыі і іншае), на афіцыйным сайце Міністэрства юстыцыі, на старонках Міністэрства юстыцыі ў сацыяльных сетках і сродках масавай інфармацыі.

Больш падрабязная інфармацыя аб умовах удзелу ў рэспубліканскім конкурсе выкладзена ў пастанове Міністэрства юстыцыі Рэспублікі Беларусь ад 15 мая 2025 г. № 41 “Аб штогадовым конкурсе творчых работ “Права на дзяцінства”.