Сб-Нд: Выхадны
Навіны
Сённяшняя працоўная раніца ў галоўным упраўленні юстыцыі пачалася незвычайна і ўрачыста. У Дзень Абаронцаў Айчыны і Узброеных сіл Рэспублікі Беларусь жаночая палова калектыву падрыхтавала для сваіх калег-мужчын яркі і душэўны сюрпрыз, ператварыўшы пачатак працоўнага тыдня ў сапраўднае свята.
Ад імя ўсіх жанчын ведамства з прывітальным словам выступіла першы намеснік начальніка Марына Быкава. Яна адрасавала калегам шчырыя пажаданні моцнага здароўя, невычэрпнай сілы духу і прафесійных поспехаў, адзначыўшы, што менавіта мужчынская вытрымка і гатоўнасць браць на сябе адказнасць з'яўляюцца тым трывалым падмуркам, на якім будуецца поспех агульнай справы.
Святочную праграму працягнуў палымяны музычны нумар, які з першых нот захапіў увагу залы і падарыў прысутным магутны зарад пазітыву.
Прыемным завяршэннем мерапрыемства стала ўручэнне мужчынам падарункавых сертыфікатаў, што стала яшчэ адным знакам увагі і ўдзячнасці калегам за іх мужнасць і прафесіяналізм.
