Навіны

12 лютага 2026

Сёння ў галоўным упраўленні юстыцыі Віцебскага аблвыканкама пад кіраўніцтвам начальніка Сяргея Канапелькі прайшло пасяджэнне калегіі, прысвечанае вынікам дзейнасці архіўных устаноў рэгіёна за 2025 год і вызначэнню задач на 2026 год.

У мерапрыемстве прынялі ўдзел першы намеснік начальніка галоўнага ўпраўлення юстыцыі Марына Быкава, намеснік начальніка аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Аксана Пашкевіч, а таксама кіраўнікі дзяржаўных і тэрытарыяльных архіваў Віцебскай вобласці.

Адкрываючы паседжанне калегіі, кіраўнік абласной юстыцыі адзначыў: «Архівы - гэта падмурак нашай гістарычнай памяці. Сёння задача архівістаў – не проста захаваць дакументальную спадчыну, але і зрабіць яе жывым інструментам гістарычнай асветы».

Далей з асноўным дакладам аб выніках года выступіла намеснік начальніка аддзела Аксана Пашкевіч.

Дырэктар установы "Занальны дзяржаўны архіў у г. Оршы" Алеся Бярговіна асвятліла ролю асветніцкай работы дзяржархіва ў выкарыстанні дакументаў Нацыянальнага архіўнага фонду.

Аб рэалізацыі дзяржаўнай праграмы па захаванні гістарычнай праўды і дакументальнай спадчыны расказаў дырэктар Дзяржаўнага архіва Віцебскай вобласці Аляксандр Кароль.

Практычныя аспекты ўмацавання матэрыяльна-тэхнічнай базы на раённым узроўні раскрыла дырэктар дзяржаўнай установы "Чашніцкі раённы архіў" Ірына Шыпуля, а дырэктар дзяржаўнай установы "Віцебскі гарадскі архіў" Вера Клімава дэталёва спынілася на працы са зваротамі грамадзян і юрыдычных асоб.

Урачыстым завяршэннем калегіі стала цырымонія ўшаноўвання работнікаў сферы, якія найбольш праславіліся.

Вышэйшай галіновай узнагароды - нагрудного знака «Ганаровы архівіст Беларусі» была ўдастоена загадчык аддзела інфармацыйна-пошукавых сістэм і архіўных тэхналогій установы "Дзяржаўны архіў Віцебскай вобласці" Алена Бондарава.

За ўмацаванне матэрыяльна-тэхнічнай базы архіваў, і па выніках работы за 2025 год Ганаровымі граматамі галоўнага ўпраўлення юстыцыі Віцебскага аблвыканкама былі ўзнагароджаны дырэктар установы «Занальны дзяржаўны архіў у г. Полацку» Людміла Лазаронак і дырэктар дзяржаўнай установы «Чашніцкі раённы архіў».