Сб-Нд: Выхадны
Навіны
10 снежня ў Мінску адбылося сумеснае пасяджэнне (нарада) Рэспубліканскай грамадскай наглядальнай камісіі пры Міністэрстве юстыцыі Рэспублікі Беларусь і грамадскіх наглядальных камісій пры галоўных упраўленнях юстыцыі абласных і Мінскага гарадскога выканаўчых камітэтаў. Мерапрыемства прайшло пад кіраўніцтвам Міністра юстыцыі Яўгена Каваленкі і сабрала прадстаўнікоў зацікаўленых дзяржаўных органаў.
У рабоце нарады прынялі ўдзел першы намеснік начальніка галоўнага ўпраўлення юстыцыі Віцебскага аблвыканкама Марына Быкава, намеснік начальніка аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Віцебскага аблвыканкама Аксана Пашкевіч, старшыня грамадскай наглядальнай аблвыканкама Уладзімір Каташук, сябры камісіі Таццяна Рык і Віктар Бароўка.
У ходзе пасяджэння ўдзельнікі абмяняліся думкамі па пытаннях дзейнасці наглядальных камісій, падзяліліся практычным вопытам і агучылі прапановы па ўдасканаленні прававога рэгулявання. Акрамя таго, былі падведзены вынікі работы наглядальных камісій за 2025 год і вызначаны задачы на маючы адбыцца перыяд.
