Навіны

5 снежня 2025

Сёння, напярэдадні прафесійнага свята - Дня юрыста, у галоўным упраўленні юстыцыі Віцебскага аблвыканкама адбыўся ўрачысты сход, які стаў яркай і значнай падзеяй для ўсіх работнікаў юстыцыі..

У канферэнц-зале сабраліся прадстаўнікі розных сфер юрыдычнай дзейнасці: супрацоўнікі галоўнага ўпраўлення юстыцыі, органаў прымусовага выканання, натарыята, аддзелаў загса і іншыя спецыялісты, для якіх права і справядлівасць - не проста прафесія, а пакліканне.

Урачыстую прамову вымавіў начальнік галоўнага ўпраўлення юстыцыі Сяргей Канапелька. У сваім віншавальным слове ён падкрэсліў значнасць прафесійнага свята і выказаў шчырую падзяку кожнаму супрацоўніку за неацэнны ўклад у развіццё сістэмы юстыцыі. «Ваша праца - гэта аснова даверу грамадзян і ўмацавання прававой дзяржавы. Сёння мы аб'яднаныя адзінай задачай - служыць закону, абараняць правы і свабоды грамадзян, спрыяючы развіццю справядлівасці і сацыяльнай стабільнасці», - сказаў кіраўнік абласной юстыцыі, звяртаючыся да прысутных.

Пасля цёплых слоў віншаванняў Сяргей Пятровіч уручыў Ганаровыя граматы і Падзякі лепшым работнікам, чые імёны - сімвал дасягненняў і адданасці справе.

Павіншаваць супрацоўнікаў юстыцыі прыйшлі навучэнцы 11 класа прававой накіраванасці сярэдняй школы № 17 г. Віцебска, яны прачыталі вершы і выканалі музычную кампазіцыю.

Заключным акордам мерапрыемства стала выступленне салісткі вакальнай студыі "Салавей", якая выканала яркую і энергічную песню. Яе дынамічнае выкананне выклікала буру апладысментаў і дадало святу яшчэ больш яркіх уражанняў.