Навіны

18 лістапада 2025

Сёння клас прававой накіраванасці ДУА "Ліцэй г. Наваполацка" наведалі супрацоўнікі галоўнага ўпраўлення юстыцыі Віцебскага аблвыканкама на чале з начальнікам Сяргеем Канапелькам.

У ходзе сустрэчы Сяргей Пятровіч расказаў навучэнцам аб дзейнасці галоўнага ўпраўлення юстыцыі, яго структуры, асноўных задачах і ролі ў прававой сістэме.

Загадчык сектара арганізацыйна-кадравай работы галоўнага ўпраўлення юстыцыі Алена Ганчарова падрабязна асвятліла працэс працаўладкавання ў органы юстыцыі, а намеснік начальніка аддзела прымусовага выканання ўпраўлення прымусовага выканання Антон Лашкевіч дэталёва азнаёміў ліцэістаў з працай органаў прымусовага выканання.

Намеснік начальніка ўпраўлення прымусовага выканання Юрый Аглушэвіч праінфармаваў прысутных аб тым, што кожны кандыдат пры паступленні на дзяржаўную грамадзянскую службу праходзіць спецыяльную праверку.

На заканчэнне сустрэчы маладыя людзі змаглі адчуць сябе сапраўднымі ўдзельнікамі працэсу, прыняўшы ўдзел у займальнай дзелавой гульні, дзе яны прымяралі на сябе ролі судовага выканаўцы, даўжніка і спагнальніка.

Такое мерапрыемства стала выдатнай магчымасцю для будучых юрыстаў убачыць працу прымусовага выканання знутры і зрабіць упэўнены крок да выбару свайго прафесійнага шляху!