Навіны

Міністэрствам юстыцыі ў рамках правядзення прававой асветы насельніцтва па пытаннях прававой абароны дзяцей аб'яўляецца конкурс творчых работ "Права на дзяцінства".

Конкурс праводзіцца ў мэтах стварэння ўмоў для творчай самарэалізацыі дзяцей, фарміравання павагі да закону і права, выхавання пачуцця патрыятызму ў маладога пакалення, развіцця пазнавальнай цікавасці да тэмы абароны правоў дзіцяці.

Конкурс з'яўляецца адкрытым і праводзіцца ў дзвюх намінацыях: "Малюнак" і "Анімацыя".

У намінацыі «Малюнак» прымаюцца работы, выкананыя алоўкамі, фламастэрамі, гуашшу, акварэллю на паперы не менш фармату А4 і не больш фармату А3.

Адным удзельнікам конкурсу прадстаўляецца адзін малюнак.

У правым ніжнім куце малюнка паказваюцца: назва малюнка; прозвішча, уласнае імя, імя па бацьку (калі такое маецца) удзельніка конкурсу; узрост удзельніка конкурсу; кантактны тэлефон удзельніка конкурсу; найменне ўстановы адукацыі, іншай арганізацыі, якой у адпаведнасці з заканадаўствам дадзена права ажыццяўляць адукацыйную дзейнасць.

Па жаданні ўдзельніка конкурсу да малюнка на асобным лісце прыкладаецца кароткі аповяд аб ім.

Пераможцы ў намінацыі "Малюнак" вызначаюцца ў наступных узроставых катэгорыях:

• ад 3 да 6 гадоў;
• ад 6 да 12 гадоў;
• старэйшыя за 12 гадоў.

У намінацыі "Анімацыя" прымаюцца анімацыйныя ролікі, створаныя з выкарыстаннем праграм для вытворчасці анімацыйных ролікаў на кампутары, планшэце ці смартфоне.

Для ўдзелу ў намінацыі "Анімацыя" дапускаецца стварэнне аднаго анімацыйнага роліка некалькімі ўдзельнікамі конкурсу ў складзе не больш за 3 чалавек. Анімацыйны ролік прадстаўляецца ў фармаце файлаў мультымедыя, якія падтрымліваюцца прайгравальнікам Windows Media.

Пераможцы ў намінацыі "Анімацыя" вызначаюцца ў наступных узроставых катэгорыях:

• да 12 гадоў;
• старэйшыя за 12 гадоў.

Да ўдзелу ў конкурсе дапускаюцца работы, падрыхтаваныя дзецьмі не старэйшыя за 18 гадоў, па наступных тэмах:

• правы дзіцяці;
• сацыяльная абарона сям'і і дзяцей дзяржавай;
• абарона правоў дзяцей-сірот і дзяцей, якія засталіся без апекі бацькоў;
• правы дзяцей-інвалідаў;
• абавязкі дзіцяці.

На першым (рэгіянальным) этапе да 15 верасня 2025 года галоўнымі ўпраўленнямі юстыцыі аблвыканкамаў і Мінгарвыканкама прымаюцца творчыя работы па заяўленай тэматыцы.

Конкурснымі камісіямі галоўных упраўленняў юстыцыі адбіраюцца лепшыя работы для ўдзелу ў другім (рэспубліканскім) этапе конкурсу і да 22 верасня 2025 года накіроўваюцца ў Міністэрства юстыцыі разам з заяўкамі на ўдзел у конкурсе.

На другім (рэспубліканскім) этапе конкурсу Міністэрства юстыцыі вызначае пераможцаў па адпаведных намінацыях у кожнай узроставай катэгорыі, а таксама ажыццяўляе адбор творчых работ для ўдзелу ў Інтэрнет-галасаванні.

Інтэрнэт-галасаванне праводзіцца шляхам публікацыі творчых работ на старонках Міністэрства юстыцыі ў сацыяльных сетках і мэсэнджэры "Тэлеграм".

Інфармацыя аб выніках конкурсу публікуецца на афіцыйным сайце Міністэрства юстыцыі ў глабальнай камп'ютарнай сетцы Інтэрнэт, у сацыяльных сетках і сродках масавай інфармацыі, а таксама ў часопісе "Юстыцыя Беларусі".

Пераможцы, якія занялі I, II, III месцы ў кожнай узроставай катэгорыі па намінацыях, а таксама пераможцы, якія занялі I месцы па выніках Інтэрнэт-галасавання, узнагароджваюцца дыпломамі і каштоўнымі прызамі.

Дапускаецца ўзнагароджанне асобных удзельнікаў конкурсу спецыяльнымі прызамі ад рэдакцыі часопіса "Юстыцыя Беларусі".

Творчыя работы, якія паступілі на конкурс, могуць быць выкарыстаны ў далейшым у наглядных і прэзентацыйных матэрыялах (календары, буклеты, фільмы, відэаролікі, прэзентацыі і іншае), на афіцыйным сайце Міністэрства юстыцыі, на старонках Міністэрства юстыцыі ў сацыяльных сетках і сродках масавай інфармацыі.

З падрабязнасцямі аб парадку правядзення штогадовага конкурсу творчых работ "Права на дзяцінства" можна азнаёміцца па спасылцы.