Навіны

31 ліпеня 2025

У апошні дзень ліпеня група па прававой асвеце Віцебскага аблвыканкама наведала адкрытае акцыянернае таварыства "Завод Этон".

Мерапрыемства прайшло ў рамках праграмы па павышэнні ўзроўню правасвядомасці і прававой культуры грамадзян, фарміраванні іх законапаслухмяных і правамерных паводзін.

Членаў групы сустрэў дырэктар прадпрыемства Сяргей Багатыроў і намеснік дырэктара па маркетынгу Эдуард Веціарэц. Эдуард Аляксеевіч падрабязна расказаў аб дзейнасці завода, падкрэсліўшы, што "Завод Этон" спецыялізуецца на механічнай апрацоўцы металаў і палімерных матэрыялаў, халоднай штампоўцы, зборачна-зварачных і электрамантажных работах, фарміраванні гумы, пластмас і рэактапластаў, а таксама на гальванічным і лакафарбавым.

У ходзе візіту ўдзельнікі агледзелі вытворчыя майстэрні, дзе ажыццяўляюцца ўсе названыя працэсы, што дало магчымасць лепш зразумець маштабы і асаблівасці работы завода.

Пасля невялікай вытворчай экскурсіі адбылася сустрэча з калектывам прадпрыемства, у рамках якой з дакладамі выступілі спецыялісты па актуальных прававых пытаннях.

Начальнік аддзела прававой, кадравай работы і справаводства ўпраўлення землеўпарадкавання Віцебскага аблвыканкама Наталля Махонь расказала аб тым, як афіцыйна аформіць самавольна занятыя зямельныя ўчасткі.

Начальнік аддзела па наглядзе за выкананнем заканадаўства і законнасцю прававых актаў пракуратуры Віцебскай вобласці Дзмітрый Кудраўцаў асвятліў пытанні дзяржаўнай падтрымкі пры жыллёвым будаўніцтве.

Метадыст Віцебскай абласной натарыяльнай палаты Вольга Пятрова выступіла з тлумачэннямі па спадчынным праве.

Пасля завяршэння дакладаў работнікі таварыства мелі магчымасць звярнуцца да спецыялістаў за бясплатнай кансультацыяй па пытаннях. Калектыў актыўна скарыстаўся з гэтай магчымасці, атрымаўшы прафесійныя адказы і рэкамендацыі па розных прававых аспектах.