Навіны

28 лютага 2025

24 і 27 лютага 2025 г. галоўны спецыяліст аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Віцебскага абласнога выканаўчага камітэта Кацярына Лапатнёва наведала службы "адно акно" Бешанковіцкага і Сенненскага раённых выканаўчых.

Мэта маніторынгу - вывучыць арганізацыю работы службаў "адно акно" ў рэгіёне, у тым ліку з прымяненнем фармату "таемны наведвальнік", і ацаніць выкананне рэкамендацый даных па выніках работы ў 2024 годзе.

У мінулым годзе ў названых службах былі праведзены рамонтныя работы, у сувязі з чым удасканалены зоны чакання і прыёму дакументаў, устаноўлены абноўленыя інфармацыйныя стэнды, а таксама ёсць дзіцячыя куткі.

Для наведвальнікаў з абмежаванымі магчымасцямі ўдасканалена безбар'ернае асяроддзе: ёсць кнопка выкліку супрацоўніка, тактыльныя схемы, паказальнікі і інфармацыя, дубляваная рэльефна-кропкавым шрыфтам Брайля.

Па выніках маніторынгаў адзначана станоўчая работа службаў "адно акно" Бешанковіцкага і Сенненскага раённых выканаўчых камітэтаў.