Сб-Нд: Выхадны
Навіны
27 снежня 2024 г. начальнік упраўлення Сяргей Канапелька і яго намеснік Крысціна Смольская наведалі тэрытарыяльны цэнтр сацыяльнага абслугоўвання насельніцтва Першамайскага раёна горада Віцебска ў рамках рэспубліканскай дабрачыннай акцыі "Ад усёй душы".
Для гасцей наведвальнікі аддзялення дзённага знаходжання падрыхтавалі невялікі паказ. Ва ўтульнай зале была арганізавана канцэртная праграма, якая ўключала песні, вершы і танцы. Гэтыя творчыя нумары сталі праявай таленту і жыццялюбства людзей, якія, нягледзячы на свой узрост, працягваюць дарыць радасць навакольным. Выступленне стала прыемным падарункам не толькі для гасцей мерапрыемства, але і для саміх удзельнікаў.
Пасля яркага канцэрта Сяргей Пятровіч павіншаваў усіх прысутных з надыходзячым Новым годам, пажадаў моцнага здароўя, выканання запаветных жаданняў, невычэрпнай энергіі і доўгіх гадоў жыцця, а таксама ўручыў падарункавы сертыфікат.
