Сб-Нд: Выхадны
Навіны
14 снежня 2024 года ў дзяржаўным архіве горада Глыбокае адбыліся чарговыя заняткі для ўдзельнікаў групы «Юны архівіст» з сярэдняй школы № 2.
На ўроку дзеці даведаліся аб працэсе аблічбоўкі і рэстаўрацыі архіўных дакументаў. Загадчык архівасховішча Аляксандр Хайноўскі распавёў пра важнасць гэтай працы і прадэманстраваў сканавальнае абсталяванне, акрамя гэтага паказаў, як адбываецца працэс аблічбоўкі.
Архівіст аддзела забеспячэння захаванасці дакументаў Вольга Пупкевіч на практыцы паказала, як праводзіцца дробны рамонт кніг і іншых дакументаў. Хлопцы з вялікай цікавасцю прынялі ўдзел у гэтым працэсе.
Пасля ўрока для ўдзельнікаў быў арганізаваны "салодкі стол" і пераднавагодняя бяспройгрышная латарэя. Пасля заканчэння мерапрыемства, прымеркаванага да штогадовай навагодняй дабрачыннай акцыі "Нашы дзеці", кожны ўдзельнік атрымаў салодкі навагодні падарунак.
