Навіны

6 снежня 2024

Сёння па добрай традыцыі ў сярэдняй школе № 17 г. Віцебска імя І.Р. Паперы адбылася ўрачыстая цырымонія пасвячэння навучэнцаў 10 “А” класа ў клас прававой накіраванасці.

У мерапрыемстве прынялі ўдзел начальнік галоўнага ўпраўлення юстыцыі Віцебскага аблвыканкама Сяргей Канапелька, загадчык сектара арганізацыйна-кадравай работы галоўнага ўпраўлення юстыцыі Віцебскага аблвыканкама Алена Аляксеёнак, адміністрацыя Чыгуначнага раёна г. Віцебска, прадстаўнікі раённага аддзела ўнутраных спраў.

Прысвячэнне ў клас прававой накіраванасці – гэта важная падзея, якая сімвалізуе пачатак новага этапа ў адукацыйным працэсе. Навучэнцы такога класа знаёмяцца з асновамі права, вывучаюць юрыдычную сістэму краіны, развіваюць крытычнае мысленне.

Акрамя тэарэтычных ведаў, яны таксама атрымліваюць і практычныя навыкі, якія дапамогуць ім у далейшым выбіраць юрыдычныя прафесіі і ўсведамляць сваю ролю ў грамадстве.

З віншавальнай прамовай да дзесяцікласнікаў звярнуўся Сяргей Пятровіч. Ён адзначыў, што сённяшні дзень - важны крок на шляху да будучыні. Пажадаў, каб гэты шлях стаў для дзяцей займальным і пазнавальным, а атрыманыя веды дапамаглі ім не толькі ў прафесійнай кар'еры, але і ў жыцці, зрабіўшы іх актыўнымі і адказнымі грамадзянамі нашага грамадства.

У сваю чаргу навучэнцы 10 “А” класа далі клятву годна і з гонарам несці званне вучня прававога класа, добра вучыцца і імкнуцца быць дастойнымі грамадзянамі сваёй краіны.

Начальнік аддзела ўнутраных спраў адміністрацыі Чыгуначнага раёна г. Віцебска Уладзімір Бондараў уручыў дзяўчынкам і хлапчукам шаўроны і Канстытуцыю Рэспублікі Беларусь.

Ад імя органаў прымусовага выканання Віцебскай вобласці навучэнцаў павіншавала судовы выканаўца ВПІ Першамайскага раёна г. Віцебска Лізавета Старасценка, выканаўшы цудоўную музычную кампазіцыю.

Напрыканцы мерапрыемства ўдзельнікі зрабілі агульнае фота на памяць.