Навіны

17 кастрычніка 2024

Сёння на базе ўпраўлення прымусовага выканання галоўнага ўпраўлення юстыцыі Віцебскага аблвыканкама адбылася сустрэча начальніка ўпраўлення Мікіты Разяпава са студэнтамі Віцебскага дзяржаўнага ўніверсітэта імя П.М.Машэрава

У рамках рэалізацыі дагавора аб сумеснай дзейнасці, заключанага паміж УА «ВДУ ім. П.М.Машэрава»
і ГУЮ Віцебскага абласнога выканаўчага камітэта, начальнік упраўлення сустрэўся са студэнтамі, каб расказаць аб рабоце судовых выканаўцаў.
Мікіта Фанілевіч падрабязна растлумачыў працэс прымусовага выканання, закрануў пытанні звязаныя з правамі даўжнікоў і спагнаўцаў, а таксама асвятліў механізмы кантролю за выкананнем закону. Студэнты праявілі жывую цікавасць, задавалі пытанні аб практыцы работы судовых выканаўцаў і цяжкасцях з якімі тыя сутыкаюцца. Сустрэча дала магчымасць маладым юрыстам даведацца аб кар'ерных перспектывах і абмеркаваць актуальныя праблемы ў галіне правапрымянення.

фота2.jpg

Напрыканцы сустрэчы начальнік упраўлення паказаў маладым людзям выставу "Судовы выканаўца на старонках гісторыі", размешчаную ва ўпраўленні. Таксама, прадэманстраваў унікальны мабільны лічбавы комплекс - экспазіцыю, створаную на аснове выставы.