Сб-Нд: Выхадны
Навіны
Адзіны дзень інфармавання, прысвечаны 30-годдзю інстытута прэзідэнцтва Рэспублікі Беларусь, прайшоў у калектыве УКП ЖКГ Шаркаўшчынскага раёна. Удзел у ім узялі начальнік галоўнага ўпраўлення юстыцыі Віцебскага аблвыканкама Сяргея Канапелькі і старшыня райвыканкама Дзмітрый Ламака.
Выступаючы перад работнікамі аб'яднання, Сяргей Пятровіч падкрэсліў, што наша краіна - адна з самых маладых прэзідэнцкіх рэспублік у свеце. У Рэспубліцы Беларусь гэты інстытут быў уведзены 30 гадоў таму.
- Сёння трэба шанаваць усе тыя дасягненні ў сацыяльна-эканамічным развіцці, у адукацыі і навуцы, ахове здароўя, прамысловасці, - адзначыў начальнік галоўнага ўпраўлення юстыцыі, - усвядоміць, з якога незайздроснага «стартавага матэрыялу» ўдалося пабудаваць незалежную і суверэнную краіну, накіраваную ў будучыню.
У адкрытым дыялогу з калектывам таксама абмеркавалі значнасць усіх ініцыятыў Кіраўніка дзяржавы, патэнцыял нашай краіны на сусветнай арэне, сацыяльную накіраванасць палітыкі, якая праводзіцца, а таксама паглядзелі тэматычны фільм.
