Сб-Нд: Выхадны
Навіны
Абласная група па прававой асвеце наведала філіял "Глыбоцкі хлебазавод" ААТ "Віцебскхлебпрам".
Намеснік кіраўніка групы - начальнік галоўнага ўпраўлення юстыцыі Віцебскага аблвыканкама Сяргей Канапелька расказаў работнікам прадпрыемства, што асноўная мэта візіту - даць грамадзянам магчымасць атрымаць адказы на пытанні прававога характару, растлумачэнне дзеючага заканадаўства.
Так, з тэмай «Процідзеянне экстрэмізму і барацьба з тэрарызмам» выступіў намеснік начальніка аддзела па наглядзе за выкананнем заканадаўства і законнасцю прававых актаў пракуратуры Віцебскай вобласці Андрэй Нізюлька.
З навінамі працоўнага заканадаўства калектыў пазнаёміла галоўны прававы інспектар Віцебскага абласнога аб'яднання прафсаюзаў Святлана Супрунчук.
У сваю чаргу начальнік аддзела прававой, кадравай работы і справаводства ўпраўлення землеўпарадкавання Наталля Махонь расказала, якія новаўвядзенні закранулі заканадаўства аб ахове і выкарыстанні зямель.
Пасля гэтага члены калектыву змаглі задаць свае пытанні, у тым ліку індывідуальна. У асноўным грамадзян цікавіла ўдасканаленне зямельных адносін, каб свабодна распараджацца сваімі зямельнымі ўчасткамі і пабудовамі, збудаванымі на іх.
У ходзе візіту ўдзельнікі групы з цікавасцю наведалі музей прадпрыемства, вытворчыя цэхі. У якасці гіда азнаямленчую экскурсію для гасцей правёў дырэктар Валерый Гіро. Ён адзначыў, што сёння філіял вырабляе вялікую колькасць хлебабулачных, кандытарскіх, сухарных і іншых вырабаў для ўсіх густаў спажыўцоў.
