Сб-Нд: Выхадны
Навіны
Сёння пачаў работу ХІ Форум рэгіёнаў Беларусі і Расіі. Мерапрыемствы праходзяць на базе Віцебска, Полацка і Наваполацка.
Актыўны ўдзел у працы Форума прынялі прадстаўнікі юстыцыі Віцебшчыны: судовыя выканаўцы, архівісты, натарыусы, адвакаты на чале з начальнікам галоўнага ўпраўлення юстыцыі Віцебскага аблвыканкама Сяргеем Канапелькам.
З калегамі з Расіі яны наведалі Полацкі дзяржаўны ўніверсітэт імя Ефрасінні Полацкай і абмеркавалі пытанні эфектыўнай рэалізацыі заканадаўства як важнейшы фактар саюзнай інтэграцыі, асаблівую ўвагу надаўшы адзінай прававой прасторы для выканання судовых актаў Беларусі і Расіі, арганізацыі прававога забеспячэння навукова-адукацыйнага супрацоўніцтва і многаму іншаму.
З дакладам на тэму гарманізацыі заканадаўства аб выканаўчым вядзенні ў рамках інтэграцыйных працэсаў у Саюзнай дзяржаве выступіў намеснік Міністра юстыцыі Рэспублікі Беларусь Алег Кот.
Судовыя выканаўцы Віцебшчыны прадставілі на Форуме мабільную экспазіцыю "Судовы выканаўца на старонках гісторыі".
Як адзначыў начальнік упраўлення прымусовага выканання галоўнага ўпраўлення юстыцыі Віцебскага аблвыканкама Мікіта Разяпаў, канцэпцыя праекта заключаецца ў стварэнні унікальнага мабільнага і лічбавага комплексу, прызначанага для асветы грамадзян аб прафесіі і службе судовых выканаўцаў з сярэдзіны XVI - пачатку XXI стагоддзяў. Створаны праект на аснове пастаянна дзеючай выстаўкі, размешчанай ва ўпраўленні прымусовага выканання ў 2017 годзе пры падтрымцы Полацкага дзяржуніверсітэта. У праекце прадстаўлены шэсць раздзелаў, кожны з якіх падмацаваны QR-кодамі. Аналагаў выставы ў Беларусі няма.
Сумесны выставачны праект “Гісторыя Беларускага парламентарызму. Ад мінулага да гэтага» гасцей Форума прадставілі работнікі Нацыянальнага архіў Рэспублікі Беларусь і дзяржуніверсітэта.
Пасля гэтага госці пазнаёміліся з гасціннай полацкай зямлёй, наведаўшы з экскурсіямі гістарычныя аб'екты.
