Навіны

10 красавіка 2024

У віцебскім кінатэатры «Дом кіно» ў рамках праекту «Адкрыты кінаархіў. Гэты дзень мы набліжалі, як маглі» адбыўся кіналекторый для студэнтаў акадэміі ветэрынарнай медыцыны.
Гледачам паказалі фільм-кінахроніку «Да 80-х угодкаў вызвалення Віцебшчыны ад нямецка-фашысцкіх захопнікаў», падрыхтаваны БДАКФФД.

Перад пачаткам сеанса перад моладдзю выступіла намеснік дырэктара Дзяржархіва Віцебскай вобласці Таццяна Буевіч.

Яна расказала аб праекце, які ажыццяўляецца ў выкананне Плана падрыхтоўкі і правядзення святочных мерапрыемстваў да 80-годдзя вызвалення Беларусі, зацверджанага Указам Прэзідэнта Рэспублікі Беларусь ад 5 кастрычніка 2023 года № 316. Работнік Дзяржархіва агучыла звесткі аб людскіх стратах у гады вайны, аб матэрыяльным уроне за тры гады. акупацыі.

Таксама яна распавяла аб адзіным у краіне сховішчы кінахронікі і іншых аўдыёвізуальных дакументаў - БДАКФФД. Паінфармавала аб працы франтавых кінааператараў, дзякуючы якім мы можам бачыць сёння ўнікальныя кадры кінахронікі.
На заканчэнне выступлення Таццяна Буевіч анансавала новыя кінапаказы, якія будуць рэалізаваны ў праекце “Адкрыты кінаархіў. Гэты дзень мы набліжалі, як маглі» хуткім часам.