Сб-Нд: Выхадны
Навіны
Інфраструктурныя інструменты развіцця адміністрацыйных працэдур абмеркавалі сёння ў Наваполацку падчас абласнога семінара.
Удзел у пасяджэнні, якое прайшло на базе гарвыканкама, прынялі начальнік галоўнага ўпраўлення юстыцыі Віцебскага аблвыканкама Сяргей Канапелька, начальнік галоўнага ўпраўлення абавязковай юрыдычнай экспертызы нарматыўных прававых актаў Мінюста Валянціна Якімовіч, а таксама кіраўнікі спраў гар- і райвыканкамаў, кіраўнікі службаў.
Абмяняцца вопытам, пазначыць праблемныя пытанні ў рабоце, вызначыць прыярытэтныя задачы на бліжэйшую перспектыву — такая мэта мерапрыемства.
Вітаючы ўдзельнікаў сустрэчы, Валянціна Якімовіч расказала аб заканадаўчых навацыях у сферы адмінпрацэдур. Яна адзначыла, што адміністрацыйныя працэдуры актуалізуюцца, удакладняюцца, спрашчаюцца. Галоўная задача ў тым, каб фізічныя і юрыдычныя асобы, якія звяртаюцца ў дзяржаўныя органы і арганізацыі для ажыццяўлення адміністрацыйных працэдур, маглі атрымаць рашэнні максімальна аператыўна і зручна.
Загадчык аддзела фарміравання Нацыянальнага архіўнага фонду Занальнага дзяржархіва ў г.Полацку Ірына Мазепіна праінфармавала аб справаводстве па адміністрацыйных працэдурах.
Аб парадку ажыццяўлення адміністрацыйных працэдур, прадугледжаных падпунктам 8.13.1 пункта 8.13 і 8.14.1 пункта 8.14 адзінага пераліку адміністрацыйных працэдур, што ажыццяўляюцца ў адносінах да суб'ектаў гаспадарання, зацверджанага пастановай Савета Міністраў Рэспублікі Беларусь ад 24 верасня 2021 г. № 548 па арганізацыі паслуг гандлю і відэасувязі. аблвыканкама Аляксей Багачоў.
У практычнай частцы семінара прадстаўнікі дзяржорганаў змаглі вывучыць вопыт работы службы "адно акно" гарвыканкама - адной з лепшых службаў у рэспубліцы па выніках мінулага года. Напрацоўкамі падзялілася кіраўніка справамі гарвыканкама Валянціна Мартыненка і работнікі службы «адно акно».
