Сб-Нд: Выхадны
Навіны
Сёння ў галоўным упраўленні юстыцыі Віцебскага аблвыканкама адбыўся семінар па пытаннях дзяржаўнай рэгістрацыі і ліквідацыі (спынення дзейнасці) суб'ектаў гаспадарання. Удзел у ім узялі прадстаўнікі Міністэрства юстыцыі, якія курыруюць гэтыя пытанні і спецыялісты адміністрацый раёнаў г. Віцебска і гаррайвыканкамаў Віцебскай вобласці.
З прывітальным словам да ўдзельнікаў мерапрыемства звярнулася намеснік начальніка галоўнага ўпраўлення юстыцыі Марына Быкава, таксама яна агучыла працоўны парадак дня.
Намеснік начальніка ўпраўлення Адзінага дзяржаўнага рэгістра юрыдычных асоб і індывідуальных прадпрымальнікаў Міністэрства юстыцыі Марына Кісель расказала аб тыповых памылках, выяўленых у ходзе праверак пры рэгістрацыі суб'ектаў гаспадарання. Акрамя таго Марына Мікалаеўна спынілася на асобных нарматыўна-прававых актах у сферы дзяржаўнай рэгістрацыі і ліквідацыі (спынення дзейнасці) суб'ектаў гаспадарання.
Аб тым, на што неабходна звярнуць увагу ў пытаннях ліквідацыі (спынення дзейнасці) суб'ектаў гаспадарання прысутных праінфармавала кансультант упраўлення Адзінага дзяржаўнага рэгістра юрыдычных асоб і індывідуальных прадпрымальнікаў Мінюста Вольга Гарная.
У сваю чаргу начальнік аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Святлана Жойдзь выступіла з інфармацыяй аб выніках праверак (маніторынгаў) дзейнасці рэгіструючых органаў.
У дыскусійнай частцы семінара ўдзельнікі абмеркавалі пералік пытанняў, дакументаў і іншыя працоўныя аспекты, якія неабходна ўлічваць спецыялістам у рабоце па дзяржаўнай рэгістрацыі і ліквідацыі суб'ектаў гаспадарання.
