Сб-Нд: Выхадны
Навіны
Тэма парадку дня - палітычная бяспека як аснова грамадска-палітычнай стабільнасці суверэннай дзяржавы. Гэтае пытанне наўпрост звязанае з новымі прававымі ўмовамі, у якіх будзе праводзіцца выбарчая кампанія 2024 года.
У якасці асноўнага спікера выступіла намеснік кіраўніка адміністрацыі Кастрычніцкага раёна Таццяна Ігнаткова.
Да абмеркавання асноўнага пытання па відэаканферэнцсувязі падключыліся работнікі тэрытарыяльных аддзелаў прымусовага выканання.
Таццяна Мікалаеўна адзначыла, што абароненасць палітычнай сістэмы нашай краіны ад унутраных і знешніх пагроз крытычна важная, паколькі ад яе стану залежыць здольнасць Беларусі рэалізоўваць незалежную дзяржаўную палітыку. Таму гэтыя пытанні традыцыйна знаходзяцца ў цэнтры ўвагі Прэзідэнта. Асабліва сёння, калі супраць нашай краіны развязаны інфармацыйная, санкцыйная і іншыя войны, беспрэцэдэнтныя па сваім маштабе.
Асноўная задача - забяспечыць электаральны суверэнітэт і бяспеку падчас правядзення выбарчай кампаніі. “Гэта таксама вельмі важна. Выбары мы праводзім для сваёй краіны, і, вядома, мы павінны паставіць пэўную заслон і знешняму ўмяшанню, і магчымым спробам дэстабілізацыі працы камісій, участкаў для галасавання ў перыяд галасавання і ўвогуле стварэння нейкай напружанай абстаноўкі ў перыяд выбарчай кампаніі. Грамадзяне павінны ў свабоднай форме выказаць сваё волевыяўленне і выбраць таго кандыдата, якога лічаць патрэбным», - сказала Таццяна Ігнаткова.
