Сб-Нд: Выхадны
Навіны
Сёння ў галоўным упраўленні юстыцыі ў рэжыме відэасувязі прайшоў Адзіны дзень інфармавання, ключавая тэма якога - "Год якасці - залог поспеху сацыяльна-эканамічнага развіцця краіны".
«У беларускай мадэлі сацыяльна арыентаванай рынкавай эканомікі якасць разглядаецца найперш з пазіцыі якасці жыцця людзей. Пры гэтым кожны з нас з'яўляецца не толькі спажыўцом, але і стваральнікам якасці. Ад таго, наколькі якасным будзе стаўленне да працы, да таго, што і як чалавек робіць на сваім працоўным месцы, залежыць канкурэнтаздольнасць беларускіх тавараў, паслуг, а значыць - узровень дабрабыту краіны ў цэлым і кожнага грамадзяніна», - на гэтым у сваім выступе зрабіў акцэнт намеснік начальніка галоўнага ўпраўлення юстыцыі - начальнік упраўлення прымусовага выканання Мікіта Разяпаў.
Мікіта Фанілевіч адзначыў таксама, што рыхтуецца праект Указа Прэзідэнта Рэспублікі Беларусь "Аб Дзяржаўным знаку якасці". Прысваенне дадзенага знака будзе азначаць вышэйшую ступень як адзнакі і прызнанні прадукцыі прадпрыемства, так і адказнасці за аказаны давер. Дакладчык падкрэсліў, што і прамысловыя прадпрыемствы Віцебшчыны таксама заслугоўваюць гонару быць удастоенымі Знака якасці.
У ходзе сустрэчы галоўны судовы выканаўца па Віцебскай вобласці звярнуў увагу на тое, што Беларусь не мае значных прыродных багаццяў. Таму дабрабыт жыхароў нашай суверэннай краіны не прыйдзе сам па сабе. Мы можам яго забяспечыць толькі сваёй працай, інтэлектам і настойлівасцю, поспех залежыць ад таго, наколькі эфектыўна, творча і рэзультатыўна будзе працаваць кожны з нас.
Таксама ў рамках мерапрыемства прайшла ідэалагічная падрыхтоўка, у рамках якой былі абмеркаваны пытанні выбарчай кампаніі, палажэнні абноўленай Канцэпцыі дзяржаўнай кадравай палітыкі.
