Навіны

З калектывам галоўнага ўпраўлення юстыцыі сустрэўся намеснік ваеннага камісара Віцебска, Віцебскага і Лёзненскага раёнаў, падпалкоўнік Андрэй Асінавік. Па відэасувязі да абмеркавання пытання падключыліся работнікі тэрытарыяльных аддзелаў прымусовага выканання.

Дакладчык зазначыў, што дакумент вызначае прававыя асновы для добраахвотнага ўдзелу грамадзян у забеспячэнні ваеннага становішча, уведзенага ў адміністрацыйна-тэрытарыяльных адзінках рэспублікі.

Андрэй Ільіч акцэнтаваў увагу на тым, што дзяржава вымушана рэагаваць на дэструктыўныя дзеянні, якія робяцца ў адносінах да Беларусі з боку замежных дзяржаў і заходніх міждзяржаўных аб'яднанняў.

- Сітуацыя вакол нашай краіны неспакойная. Ніхто не павінен заставацца іншым назіральнікам, - сказаў ён і прывёў у прыклад словы Прэзідэнта, сказаныя ў лютым на пасяджэнні Савета Бяспекі Рэспублікі Беларусь аб тым, што «кожны мужчына, ды і не толькі мужчына, павінен умець, як мінімум, звяртацца са зброяй. Хаця б для таго, каб у выпадку неабходнасці абараніць сваю сям'ю, свой дом, родны куток зямлі і, калі спатрэбіцца, краіну, без якой не будзе ні кутка, ні дома, нічога іншага». Дакладчык расказаў калектыву аб тым, як будуць камплектавацца атрады народнага апалчэння, хто можа быць у іх залічаны, каардынацыі іх дзейнасці, падрыхтоўцы. Законам рэгламентуюцца правы і абавязкі народных апалчэнцаў.

- Мы - мірныя людзі, і для нас няма большай радасці, чым спакойна жыць і працаваць на роднай зямлі. Тым не менш, на працягу стагоддзяў беларускаму народу не раз даводзілася са зброяй у руках адстойваць незалежнасць Радзімы. Наша краіна ніколі не была і не будзе агрэсарам, крыніцай зла і гвалту, але мы нікому не дазволім замахвацца на стабільнасць і дастатак у агульным беларускім доме. Адносна тэрытарыяльных войскаў і народнага апалчэння наш Прэзідэнт Аляксандр Лукашэнка цвёрда заявіў: "Патрабаванне адно: абароніце сябе і сваю сям'ю", - падсумаваў Андрэй Асінавік.

Намеснік начальніка галоўнага ўпраўлення юстыцыі - начальнік упраўлення прымусовага выканання Мікіта Разяпаў падзякаваў госцю за змястоўны даклад і ўручыў памятны сувенір аб сустрэчы, якая адбылася.

Таксама ў рамках ідэалагічнай працы быў прагледжаны відэафільм аб культуры міжасобасных адносін.