Навіны

8 верасня 2023

Сёння ва УП "Глыбоцкі мясакамбінат" прайшла сустрэча абласной групы па прававой асвеце з калектывам прадпрыемства.

Штомесяц абласная група па прававой асвеце Віцебскай вобласці наведвае горадаўтваральныя прадпрыемствы рэгіёну, гутарыць з працоўнымі калектывамі аб новаўвядзеннях і змяненнях у заканадаўчых актах. Сустрэчы праходзяць у двух фарматах: выступленне спецыялістаў і прадастаўленне бясплатнай індывідуальнай кансультацыі для ўсіх жадаючых. Больш дэталёва аб дзейнасці групы расказаў начальнік галоўнага ўпраўлення юстыцыі Віцебскага аблвыканкама Сяргей Канапелька, а напярэдадні Дня народнага адзінства Сяргей Пятровіч праінфармаваў калектыў аб асноўных фактарах захавання і ўмацавання суверэнітэту і незалежнасці краіны.

У ходзе гэтай сустрэчы былі закрануты і актуальныя прававыя тэмы. Так, маёр міліцыі Дзмітрый Ждановіч, які часова выконвае абавязкі начальніка аддзела ДАІ Глыбоцкага РАУС, нагадаў прысутным аб выкананні правілаў дарожнага руху і як сябе засцерагчы ад кібермахляроў.

Аб канстытуцыйным праве грамадзян на атрыманне поўнай і дакладнай прававой інфармацыі расказала дырэктар Рэгіянальнага цэнтра прававой інфармацыі Віцебскай вобласці Ларыса Дарогава.

Начальнік аддзела прававой, кадравай работы і справаводства ўпраўлення землеўпарадкавання Віцебскага аблвыканкама Наталля Махонь праінфармавала аб новаўвядзеннях у заканадаўстве аб ахове і выкарыстанні зямель.

На заканчэнне сустрэчы для работнікаў прадпрыемства былі арганізаваны бясплатныя юрыдычныя кансультацыі прадстаўнікамі натарыята, юрыдычнай кансультацыі і прафсаюзаў. Усім жадаючым была аказана кваліфікаваная прававая дапамога.

У сваю чаргу кіраўніцтва прадпрыемства правяло экскурсію па музеі гісторыі і развіцці прадпрыемства. Па словах начальніка аддзела арганізацыйна-прававой і кадравай працы Сяргея Грыневіча, мясакамбінат вядзе свой летапіс з 1938 года. Прайшоўшы ўвесь гэты шлях, ён сёння дынамічна развіваецца, выпускае шырокі асартымент прадукцыі рознай накіраванасці з якаснай сыравіны. Вытворчасць рэгулярна мадэрнізуецца і ўдасканальваецца. Спецыялісты ўвесь час вывучаюць патрабаванні спажыўцоў да якасці прадукцыі, і прадпрыемства імкнецца трымаць яго на высокім узроўні.