Навіны

Сустрэча прайшла ў канферэнц-зале Нацыянальнага полацкага гісторыка-культурнага музея-запаведніка.

Удзел у мерапрыемстве прынялі старшыня Полацкага раённага Савета дэпутатаў Іосіф Грыбовіч, намеснік начальніка аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Віцебскага аблвыканкама Аксана Пашкевіч, старшыня Віцебскай дзяржаўных аб'яднанняў Няфёдава, старшыня Полацкага раённага аб'яднання прафсаюзаў Вольга Захаранка, заслужаная артыстка Рэспублікі Беларусь Ксенія Пагарэлая, ганаровы грамадзянін горада Полацка Уладзімір Тачыла, а таксама прадстаўнікі грамадскасці і моладзь райцэнтра.

Падчас мерапрыемства былі прадстаўлены паведамленні, заснаваныя на архіўных дакументах, аб ганаровых грамадзянах горада Полацка і Полацкага раёна: палкоўніку, адным з арганізатараў абароны горада Полацка летам 1941 года Мікалаю Сяргеевічу Дэві, старшыні выканаўчага камітэта Віцебскага абласнога Савета народных дэпутатаў Пятру Яфімавічу Шыпіла, настаяцелю і духоўным настаўніку Старажытнаправаслаўнай царквы Успення Прасвятой Багародзіцы ў г. Полацку, старшыні Цэнтральнай Рады Старажытнаправаслаўнай Паморскай Царквы ў Рэспубліцы Беларусь Пятру Арлове і іншых.

Кандыдат гістарычных навук, дацэнт, загадчык кафедры гісторыі і турызму Полацкага дзяржаўнага ўніверсітэта імя Еўфрасінні Полацкай Алеся Корсак прадставіла матэрыялы аб выкарыстанні архіўных дакументаў у персаніфікацыі воінскіх пахаванняў. Таксама расказала аб сваім удзеле ў Рэспубліканскай камісіі па пытанні аб генацыдзе насельніцтва Беларусі.

Уладзімір Тачыла распавёў аб людзях Полаччыны, з якімі ён працаваў і супрацоўнічаў будучы старшынёй Полацкага гарвыканкама, а таксама ўзгадаў пра тых, хто паўплываў на станаўленне яго асобы.

Як высветлілася, Уладзімір Сцяпанавіч піша вершы. Натхніўшыся гэтай сустрэчай, ён на хаду накідаў і зачытаў рыфмаваныя радкі, прысвечаныя архівам і архівістам. Рукапісны тэкст верша з аўтографам аўтара быў урачыста перададзены дырэктару Дзяржархіва ў г. Полацку Людміле Лазаронак, як першы дакумент, які ляжа ў аснову асабістага архіўнага фонду Уладзіміра Тачыла.

Завяршаючы мерапрыемства, арганізатары падзякавалі ўдзельнікам за водгук і выказалі ўпэўненасць у далейшым супрацоўніцтве і ў тым, што правядзенне такіх сустрэч набудзе пашыраны фармат.

Фота газеты "Полацкі веснік"